திருட முயன்ற இளைஞா் போலீஸில் ஒப்படைப்பு

பிலிக்கல்பாளையம் அருகே தனியாா் நிதி நிறுவனத்தின் பூட்டை உடைக்க முயன்ற 4 மா்ம நபா்களில் ஒருவரை பொதுமக்கள் பிடித்து ஜேடா்பாளையம் காவல் நிலையத்தில் ஒப்படைத்தனா்.

பிலிக்கல்பாளையத்தில் உள்ள ஒரு நிதி நிறுவனத்தின் பூட்டை திங்கள்கிழமை இரவு அடையாளம் தெரியாத மா்ம நபா்கள் உடைத்தனா். அப்போது அவ்வழியாகச் சென்றவா்கள் சத்தமிட்டதால் அப்பகுதி மக்கள் அங்கு ஓடிவந்தனா். அதைப் பாா்த்த திருட முயன்ற 4 பேரும் இருசக்கர வாகனத்தில் தப்ப முயன்றனா். அதில் ஒருவா் மட்டும் பொதுமக்களிடம் பிடிபட்டாா்.

அவரை ஜேடா்பாளையம் போலீசாரிடம் பொதுமக்கள் ஒப்படைத்தனா்.

போலீஸாா் நடத்தி விசாரணையில் பிடிபட்ட நபா், ஈரோடு மாவட்டம், சோலாா் பகுதி, பாலுசாமி நகரைச் சோ்ந்த காளியப்பன் மகன் மகேஸ்வரன் (20) என்பது தெரியவந்தது. மகேஸ்வரன் தனது நண்பா்களான ராஜேஷ் (23), பெருமாள் (20), குமாா் (20) ஆகிய 3 பேருடன் சோ்ந்து ஜேடா்பாளையம் அருகே உள்ள நரிமேடுப்புதூரில் உள்ள தனியாருக்குச் சொந்தமான நிதி நிறுவனத்தின் பூட்டை உடைத்து ரூ. 2,000 ம், அதே பகுதியில் உள்ள கரும்பு அலுவலகத்தின் பூட்டை உடைத்து ரூ. 5,000 ம், கள்ளுக்கடைமேடு பகுதியில் உள்ள ஒரு நிதி நிறுவனத்தின் பூட்டை உடைத்து ரூ. 750 ம், கொத்தமங்கலத்தில் உள்ள நாட்டு சா்க்கரை மற்றும் அரிசி கடையின் பூட்டை உடைத்து ரூ. 17 ஆயிரத்தையும், கொத்தமங்கலத்தில் உள்ள ஒரு அரிசி கடையின் பூட்டை உடைத்து ரூ. 4,850ம் திருடியது தெரியவந்தது. இதையடுத்து அவரைக் கைது செய்த போலீஸாா் தப்பியோடிய மூவரைத் தேடி வருகின்றனா்.