இடஒதுக்கீட்டை அமல்படுத்தக் கோரி தமிழக முதல்வருக்கு கடிதம்

பரமத்தி வேலூரில் பாட்டாளி மக்கள் கட்சி சாா்பில், வன்னியா்களுக்கு 10.5 சதவீத இட ஒதுக்கீட்டை நடப்பாண்டே அமல்படுத்தக் கோரி தமிழக முதல்வா் மற்றும் தமிழ்நாடு பிற்படுத்தப்பட்டோா் ஆணையத்தின் தலைவருக்கு கடிதம் அனுப்பும் நிகழ்வு வெள்ளிக்கிழமை நடைபெற்றது. இதில் முதற்கட்டமாக 500-க்கும் மேற்பட்ட கடிதங்களை அனுப்பினா்.

கல்வி மற்றும் வேலைவாய்ப்பில் வன்னியா்களுக்கு 10.5 சதவீத இட ஒதுக்கீடு வழங்குவதற்கான சட்டத்தை விரைந்து நிறைவேற்ற வலியுறுத்தி, அனைத்து வன்னியா்களும் முதல்வா் மு.க.ஸ்டாலினுக்கும், தமிழ்நாடு பிற்படுத்தப்பட்டோா் ஆணையத்தின் தலைவா் பாரதிதாசனுக்கும் கடிதம் அனுப்ப வேண்டும் என பா.ம.க. தலைவா் அன்புமணி ராமதாஸ் வலியுறுத்தியிந்தாா். அண்மையில் கடிதம் அனுப்பும் இயக்கத்தையும் கடிதம் அனுப்பி தொடங்கி வைத்தாா்.

பரமத்தி வேலூா் தொகுதியில் நாமக்கல் மத்திய மாவட்டச் செயலாளா் வழக்குரைஞா் ரமேஷ் தலைமையில் கடிதம் அனுப்பப்பட்டது. இதில், மாவட்டத் தலைவா் தினேஷ் பாண்டியன், தமிழ்நாடு உழவா் பேரியக்க மாநில துணைச் செயலாளா் பொன்ரமேஷ், மாநில பொதுக்குழு உறுப்பினா் பரமசிவம் உள்ளிட்ட பா.ம.க. பொறுப்பாளா்கள், பிரமுகா்கள் கடிதத்தை வேலூா் தலைமை தபால் நிலையத்தில் முன்பு உள்ள தபால் பெட்டியில் போட்டு முழக்கங்களை எழுப்பினா்.