கமுதி பெருமாள் கோயிலில் 3-வது புரட்டாசி சனி உற்சவம்

கமுதி, அக். 8: கமுதியில் ஸ்ரீதேவி, பூதேவி சமேத சுந்தரராஜ பெருமாள் கோயிலில் புரட்டாசி 3-வது சனி வார உற்சவம் நடைபெற்றது.

 ஆலய நிர்வாக டிரஸ்டி ஆர்.முனியாண்டி செட்டியார் தலைமையும், டிரஸ்டிகள் பி.ஜி.மார்க்கண்டேயன் செட்டியார், பி.ராமையா , ஆர்.செல்வராஜ் ஆகியோர் முன்னிலையும் வகித்தனர்.

 என்.ஆர்.எம்.எஸ். வகையறா மண்டகப்படி உபயதாரர்கள் சார்பில் சுவாமி-அம் பாள்களுக்கு அபிஷேகங்கள் செய்து, சிறப்பு மலர் அலங்கார, தீப ஆராதனை பூஜைகளை அர்ச்சகர் உ.ரமணீதர சர்மா குருக்கள் நடத்தினார்.

 உற்சவத்தில் போலீஸ் சப்-இன்ஸ்பெக்டர் தமிழரசி உள்பட பிரமுகர்கள், பக்தர்கள் பலரும் கலந்து கொண்டனர்.