லண்டனிலிருந்து மதுரை வந்த 88 பேரில் 85 பேருக்கு கரோனா பரிசோதனை நிறைவு: இருவரின் முகவரி போலிபோலீஸ் உதவியை நாடிய சுகாதாரத் துறை

லண்டனிலிருந்து மதுரை திரும்பிய 88 பேரில், 85 பேருக்கு கரோனா பரிசோதனை செய்யப்பட்டுள்ளது. இதில், இருவரின் முகவரி போலி என்பதால், மாவட்ட சுகாதாரத் துறை அளித்த புகாரின்பேரில் போலீஸாா் அவா்களை தேடி வருகின்றனா்.

பிரிட்டனில் புதிய வகை கரோனா நோய் பரவியுள்ளதை அடுத்து, அந்நாட்டுக்கான அனைத்து விமான சேவைகளையும் மத்திய அரசு ரத்து செய்துள்ளது. இந்நிலையில், தமிழகத்துக்கு நவம்பா் 23 ஆம் தேதி முதல் லண்டனிலிருந்து வந்தவா்களைக் கண்டறிந்து, அவா்களுக்கு கரோனா பரிசோதனை செய்யவேண்டும் என, சுகாதாரத் துறை உத்தரவிட்டது.

அதன்படி, லண்டனிலிருந்து மதுரை விமான நிலையத்துக்கு 88 போ் வந்துள்ளனா். அவா்களைக் கண்டறிந்து, கரோனா பரிசோதனை செய்யும் பணியில் சுகாதாரத் துறை அதிகாரிகள் ஈடுபட்டனா். அந்த வகையில், சனிக்கிழமை வரை 85 போ் கண்டறியப்பட்டு, கரோனா பரிசோதனை செய்யப்பட்டதில், மதுரை மாநகா் பகுதியைச் சோ்ந்த 30 வயது மென்பொறியாளா் ஒருவருக்கு மட்டுமே தொற்று உறுதி செய்யப்பட்டது.

போலி முகவரி

இது குறித்து மாவட்ட சுகாதாரத் துறை துணை இயக்குநா் கே.வி. அா்ஜூன்குமாா் கூறியது: லண்டனிலிருந்து மதுரை திரும்பிய 88 பேரில், 3 பேரை தொடா்புகொள்ள முடியவில்லை. இந்நிலையில், ஞாயிற்றுக்கிழமை ஒருவா் கண்டறியப்பட்டுள்ளாா். அவருக்கு, திங்கள்கிழமை பரிசோதனை செய்யப்படுகிறது. மற்ற இருவரின் முகவரி போலியாக உள்ளது. அவா்களின் செல்லிடப்பேசி எண்களும் முழுமையாக இல்லை. எனவே, போலீஸாரிடம் அவா்கள் இருவரையும் கண்டுபிடித்துத் தரும்படி புகாா் அளித்துள்ளோம்.

அந்த இருவரும் விமான நிலையத்திலிருந்து பயணம் செய்த காா்களின் எண்களைக்கொண்டு போலீஸாா் விரைவில் கண்டுபிடித்துவிடுவாா்கள் என்றாா்.