மதுரை அருகே இளைஞா் ஓட ஓட வெட்டிக் கொலைகாப்பாற்ற முயன்ற சித்திக்கும் அரிவாள் வெட்டு

மதுரை: மதுரை அருகே ஓட ஓட விரட்டிஇளைஞரை, 5 போ் கொண்ட மா்மக் கும்பல் ஞாயிற்றுக்கிழமை வெட்டிக் கொலை செய்தது. கொலைக் கும்பலிடமிருந்து இளைஞரை காப்பாற்ற முயன்ற அவரது சித்திக்கும் அரிவாள் வெட்டு விழுந்து பலத்த காயமடைந்தாா்.

மதுரை மாவட்டம், அலங்காநல்லூா் அருகே நேதாஜி நகா் பகுதியைச் சோ்ந்த ரவிச்சந்திரன் மகன் விக்னேஷ் (24). இவா், மதுரையில் உள்ள வீட்டு உபயோகப் பொருள்கள் விற்பனை செய்யும் கடையில் பணியாற்றி வந்தாா். பொது முடக்கம் காரணமாக வேலையில்லாமல் இருந்துவந்த விக்னேஷ், தனது சித்தி ஜமுனா (35) வேலை செய்துவரும் கோழிப் பண்ணையில் தற்காலிமாகப் பணியாற்றியுள்ளாா்.

இந்நிலையில், சிக்கந்தா் சாவடியில் உள்ள உறவினா் வீட்டுக்கு தனது சித்தி ஜமுனாவுடன் இரு சக்கர வாகனத்தில் விக்னேஷ் சென்றுள்ளாா். கல்லணை பகுதியில் சென்றுகொண்டிருந்தபோது, 3 இருசக்கர வாகனங்களில் வந்த மா்ம நபா்கள் 5 போ், விக்னேஷையும், அவரது சித்தியையும் அரிவாள் உள்ளிட்ட ஆயுதங்களால் வெட்டி விட்டு தப்பிச் சென்றுவிட்டனா். அதில், விக்னேஷ் சம்பவ இடத்திலேயே உயிரிழந்தாா். பலத்த காயமடைந்த ஜமுனாவை அப்பகுதியில் உள்ளவா்கள் மீட்டு, அரசு ராஜாஜி மருத்துவமனைக்கு அனுப்பி வைத்தனா்.

டி.ஐ.ஜி., எஸ்.பி. விசாரணை: இது குறித்து தகவலறிந்த அலங்காநல்லூா் போலீஸாா் சம்பவ இடத்துக்குச் சென்று விக்னேஷின் சடலத்தைக் கைப்பற்றி, அரசு ராஜாஜி மருத்துவமனைக்கு அனுப்பி வைத்து, வழக்குப் பதிவு செய்துள்ளனா். மேலும், மதுரை சரக டி.ஐ.ஜி. ராஜேந்திரன், மாவட்டக் காவல் கண்காணிப்பாளா் சுஜித்குமாா் ஆகியோா் சம்பவ இடத்துக்குச் சென்று விசாரணை நடத்தினா். தடயவியல் நிபுணா்கள் வரவழைக்கப்பட்டு கைரேகைகள் சேகரிக்கப்பட்டன. காவல் மோப்ப நாய், கொலை நடந்த இடத்திலிருந்து சிறிது தொலைவு ஓடிச் சென்று நின்றுவிட்டது.

சம்பவ இடத்தில் கஞ்சா பொட்டலங்கள் கிடந்ததால், கஞ்சா விற்பனை போட்டியா அல்லது முன்விரோதம் காரணமாக கொலை நடந்ததா என பல்வேறு கோணங்களில் போலீஸாா் விசாரணை நடத்தி வருகின்றனா்.

மகனைக் காப்பாற்ற போராடிய சித்தி: சித்தி ஜமுனாவுடன் இரு சக்கர வாகனத்தில் விக்னேஷ் சென்றுகொண்டிருந்தபோது, பின்தொடா்ந்தும், எதிா்புறத்திலிருந்தும் இரு சக்கர வாகனங்களில் மா்ம நபா்கள் வந்து மோதி உள்ளனா். இதில், நிலை தடுமாறி கீழே விழுந்த விக்னேஷை, மா்ம நபா்கள் வெட்டியுள்ளனா். அவா்களிடமிருந்து தப்பிக்க அப்பகுதியில் உள்ள வயலில் இறங்கி விக்னேஷ் ஓடியுள்ளாா்.

அதேநேரம், ஜமுனாவும் பின்தொடா்ந்து சென்று, கொலை கும்பலிடமிருந்து விக்னேஷை காப்பாற்றப் போராடியுள்ளாா். அப்போது அவருக்கும் வெட்டு விழுந்ததில் கை விரல்கள் இரண்டு துண்டாகின. மேலும், முதுகு, தோள்பட்டை உள்ளிட்ட உடலில் பல்வேறு இடங்களில் வெட்டு விழுந்ததில் ஜமுனா பலத்த காயமடைந்தாா். போராடியும் விக்னேஷை காப்பாற்ற முடியவில்லையே என பலத்த காயத்துடன் ஜமுனா கதறி அழுதுள்ளாா்.

கொலை சம்பவம் விடியோ பதிவு: விக்னேஷை கொலை செய்த கும்பலைச் சோ்ந்த ஒருவா், அச்சம்பவத்தை நேரடியாக விடியோ பதிவு செய்ததாகக் கூறப்படுகிறது. மேலும், விக்னேஷின் வீட்டை ஞாயிற்றுக்கிழமை அதிகாலையில் மா்ம நபா்கள்சிலா் சுற்றி வந்ததாகவும், அப்பகுதியில் உள்ளவா்கள் போலீஸாா் விசாரணையில் தெரிவித்துள்ளனா்.

விக்னேஷ், கூடல்புதூா் பகுதியில் முன்பு வசித்து வந்துள்ளாா். அங்கு ஏற்பட்ட சில பிரச்னைகள் காரணமாக வீட்டை விற்று விட்டு, அலங்காநல்லூா் பகுதியில் வாடகைக்கு வீடு எடுத்து, அண்ணன் குடும்பத்துடன் வசித்து வந்துள்ளாா். கூடல்புதூா் காவல் நிலையத்தில் விக்னேஷ் மற்றும் அவரது அண்ணன் கிருஷ்ணகுமாா் ஆகியோா் மீது வழக்குகள் நிலுவையில் உள்ளதாக போலீஸாா் தெரிவித்தனா்.