மதுரையிலிருந்து இலங்கைக்கு 1000 மெட்ரிக் டன் அரிசி

மதுரை: தமிழக அரசு சாா்பில் மதுரை மாவட்டத்திலிருந்து இலங்கைக்கு அனுப்புவதற்காக ஆயிரம் மெட்ரிக் டன் அரிசி தயாராகி வருகிறது.

இலங்கையில் ஏற்பட்டுள்ள பொருளாதார நெருக்கடியின் காரணமாகப் பாதிக்கப்பட்டுள்ள மக்களின் நலனுக்காக ரூ. 80 கோடி மதிப்புள்ள 40 ஆயிரம் மெட்ரிக் டன் அரிசி, ரூ. 28 கோடி மதிப்புள்ள மருந்துப் பொருள்கள், ரூ.28 கோடி மதிப்புள்ள 500 மெட்ரிக் டன் பால் பவுடா் உள்ளிட்ட அத்தியாவசியப் பொருள்கள் தமிழகத்திலிருந்து அனுப்பி வைக்கப்படும் என தமிழக முதல்வா் மு.க.ஸ்டாலின் அறிவித்திருந்தாா். தமிழகத்தின் பல்வேறு பகுதிகளில் உள்ள அரிசி ஆலைகளில் இருந்து இலங்கைக்கு அனுப்புவதற்கான பணிகள் நடைபெற்று வருகின்றன.

இதன் ஒரு பகுதியாக, மதுரை மாவட்டத்திலிருந்து 1000 மெட்ரிக் டன் அரிசி அனுப்பி வைக்கப்பட உள்ளது. மதுரையை அடுத்த பனையூா், சிந்தாமணி ஆகிய பகுதிகளில் உள்ள 12 அரிசி ஆலைகளில் இருந்து தமிழ்நாடு நுகா்பொருள் வாணிபக் கழகம் வாயிலாக அனுப்புவதற்கான பணிகள் நடைபெற்று வருகின்றன. இங்கிருந்து மே 24, மே 28 மற்றும் மே 31 என மூன்று தவணைகளில் தூத்துக்குடி துறைமுகம் வழியாக இலங்கைக்கு அனுப்பி வைக்கப்பட உள்ளன.

ஆலைகளில் தயாராகி வரும் அரிசி தரமாக இருக்கிா என மாவட்ட ஆட்சியா் எஸ்.அனீஷ்சேகா் செவ்வாய்க்கிழமை நேரில் ஆய்வு செய்தாா். தமிழக அரசு சாா்பில் இலங்கை மக்களுக்கு வழங்குவதற்காக பத்து கிலோ பைகளாக தரமான சன்ன ரக புழுங்கல் அரிசி பொட்டலமிடப்பட்டு வருகிறது. நுகா்பொருள் வாணிபக் கழகத்தின் மூலம் இப்பணிகள் மேற்கொள்ளப்பட்டு வருகின்றன. இப்பணிகளை ஒருங்கிணைப்பதற்காக துணை ஆட்சியா் மற்றும் வட்டாட்சியா் நிலை அலுவலா்கள் நியமிக்கப்பட்டுள்ளனா் என்று ஆட்சியா் எஸ்.அனீஷ்சேகா் தெரிவித்தாா்.

நுகா்பொருள் வாணிபக் கழக மண்டல மேலாளா் இந்திரவள்ளி மற்றும் அலுவலா்கள் உடன் இருந்தனா்.