ஊரக வளா்ச்சித் துறை அலுவலா்கள் ஆா்ப்பாட்டம்

பல்வேறு கோரிக்கைகளை வலியுறுத்தி, தமிழ்நாடு ஊரக வளா்ச்சித் துறை அலுவலா்கள் சங்கம் சாா்பில் மாவட்ட ஆட்சியரக வளாகத்தில் உள்ள மதுரை கிழக்கு ஊராட்சி ஒன்றிய அலுவலகம் முன் புதன்கிழமை ஆா்ப்பாட்டம் நடைபெற்றது.

ஊரக வளா்ச்சித் துறையில் காலியாக உள்ள 1,500-க்கும் மேற்பட்ட பணியிடங்களை உடனடியாக நிரப்ப வேண்டும். ஊராட்சிச் செயலா்கள், ஊராட்சி ஒன்றியப் பணியாளா்களுக்கு கரூவூலம் மூலம் ஊதியம் வழங்க வேண்டும். 7 ஆண்டுகள் பணியாற்றிய பணி மேற்பாா்வையாளா்களை இளநிலைப் பொறியாளா்கள் நிலைக்கு தரம் உயா்த்த வேண்டும். விபி-ஜி ராம்-ஜி திட்டப் பணிகள் செயலாக்கத்துக்கு வட்டார வளா்ச்சி அலுவலா் நிலையிலான புதிய பணியிடத்தை ஏற்படுத்த வேண்டும். 20-க்கும் அதிகமான ஊராட்சிகளை உள்ளடக்கிய ஊராட்சி ஒன்றியங்களைப் பிரித்து, புதிய ஊராட்சி ஒன்றியங்களை உருவாக்க வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

தமிழ்நாடு ஊரக வளா்ச்சித் துறை அலுவலா்கள் சங்க மாவட்டத் தலைவா் க.ரா. சந்திரசேகரன் தலைமை வகித்துப் பேசினாா். மாவட்டப் பொருளாளா் சி. அமுதரசன் முன்னிலை வகித்து, கோரிக்கைகளை விளக்கிப் பேசினாா். சங்கத்தின் மாவட்டத் துணைச் செயலா் ரா. அருண்குமாா் நன்றி கூறினாா்.

சங்கத்தின் மதுரை கிழக்கு வட்டக் கிளை சாா்பில் மாவட்ட ஆட்சியரக வளாகத்தில் உள்ள வடக்கு வட்டாட்சியா் அலுவலகம் அருகே நடைபெற்ற ஆா்ப்பாட்டத்துக்கு வட்ட கிளைத் தலைவா் குமாா் தலைமை வகித்தாா். சங்க நிா்வாகிகள், உறுப்பினா்கள் பங்கேற்றனா்.

திருப்பரங்குன்றம்: திருப்பரங்குன்றம் ஊராட்சி ஒன்றிய அலுவலம் முன் நடைபெற்ற ஆா்ப்பாட்டத்துக்கு வட்டாரச் செயலா் சுரேஷ் தலைமை வகித்தாா். சங்கத் தணிக்கையாளா் கண்ணன், பொருளாளா் பிரபு ஆகியோா் முன்னிலை வகித்தனா். மாநிலப் பொருளாளா் விஜயபாஸ்கா், வட்டார நிா்வாகிகள் சகாயராஜ், பாலமுருகன் ஆகியோா் கண்டன உரையாற்றினா். ஊராட்சிச் செயலா் ராஜாமணி நன்றி கூறினாா். இதில் திரளான அரசு ஊழியா்கள், சங்க உறுப்பினா்கள் பங்கேற்றனா்.