கல்லூரி முன்னாள் முதல்வா் மீதான ஊழல் வழக்கு: விசாரணையை 30 நாள்களுக்குள் முடிக்க உத்தரவு

மதுரை தனியாா் கல்லூரி முன்னாள் முதல்வா் மீதான ஊழல் வழக்கு விசாரணையை 30 நாள்களுக்குள் முடிக்க தமிழக ஊழல் தடுப்பு, கண்காணிப்புப் பிரிவுக்கு சென்னை உயா்நீதிமன்ற மதுரை அமா்வு அண்மையில் உத்தரவிட்டது.

மதுரையைச் சோ்ந்த வழக்குரைஞா் கணேஷ் பிரபு சென்னை உயா்நீதிமன்ற மதுரை அமா்வில் தாக்கல் செய்த மனு:

மதுரையில் உள்ள தனியாா் கல்லூரியின் முதல்வராக எம்.தவமணி கிறிஸ்டோபா் கடந்த 2011-ஆம் ஆண்டு முதல் 2025-ஆம் ஆண்டு வரை பதவி வகித்து வந்தாா். இவா் பணியாற்றிய காலத்தில் வருமானத்துக்கு அதிகமாக சொத்துகள் சோ்த்ததாகவும், முறைகேட்டில் ஈடுபட்டதாகவும் குற்றஞ்சாட்டப்பட்டது. இதுதொடா்பாக பல புகாா்கள் கொடுக்கப்பட்டன. மேலும், நீதிமன்றத்தில் வழக்குகள் தாக்கல் செய்யப்பட்டன. இதனடிப்படையில், ஊழல் தடுப்பு, கண்காணிப்புப் பிரிவு போலீஸாா் விசாரணை நடத்தி வருகின்றனா். இவா் மீதான ஊழல் வழக்கு விசாரணையை விரைந்து முடிப்பதற்கு கால நிா்ணயம் செய்து உத்தரவிட வேண்டும் என அவா் கோரினாா்.

இந்த மனு உயா்நீதிமன்ற நீதிபதி முருகன் முன் அண்மையில் விசாரணைக்கு வந்தது.

அப்போது, அரசுத் தரப்பில் முன்னிலையான வழக்குரைஞா், இந்த விவகாரத்தில் விசாரணையை 30 நாள்களுக்குள் முடிக்க இருப்பதாகத் தெரிவித்தாா்.

இதையடுத்து, நீதிபதி பிறப்பித்த உத்தரவு:

அரசுத் தரப்பு தெரிவித்தபடி தொடா்புடைய நபா் மீதான ஊழல் குற்றச்சாட்டு குறித்த விசாரணையை 30 நாள்களுக்குள் முடிக்க வேண்டும். இல்லையெனில், ஊழல் தடுப்பு, கண்காணிப்புப் பிரிவு மீது மனுதாரா் நீதிமன்ற அவமதிப்பு வழக்கு தாக்கல் செய்ய அனுமதி வழங்கப்படுகிறது. வழக்கு முடித்துவைக்கப்படுகிறது என்றாா் நீதிபதி.