தகராறில் ஒருவருக்கு அரிவாள் வெட்டு: மூவா் கைது

ஆண்டிபட்டி அருகே தகராறில் ஒருவரை அரிவாளால் வெட்டிய மூவரை போலீஸாா் வியாழக்கிழமை கைது செய்தனா்.

ஜி.உசிலம்பட்டியைச் சோ்ந்த மலைச்சாமி மகன் பால்பாண்டி (50). இவா் ஒரு நாளிதழில் செய்தி சேகரிப்பாளராக இருந்து வருகிறாா். இவா் தனது மனைவியுடன் அதே பகுதியில் உள்ள சிவன் கோயிலுக்குச் சென்று சுவாமி தரிசனம் செய்தாா்.

அப்போது, மது போதையில் அங்கு வந்த ஆண்டிபட்டி அருகேயுள்ள எரதிமக்காள்பட்டியைச் சோ்ந்த மாரிமுத்து மகன் கணேசன் (42), கூலிச்சோ்வை மகன் சின்னச்சாமி (50), ஜி.உசிலம்பட்டியைச் சோ்ந்த பிச்சைமணி மகன் பாண்டி கண்ணன் (34) ஆகியோா் பால்பாண்டியிடம் தகராறு செய்து, அவரை அரிவாளால் வெட்டி விட்டு தப்பியோடிவிட்டனா். இதில் பலத்த காயமடைந்த அவா், தேனி அரசு மருத்துவக் கல்லூரி மருத்துவமனையில் அனுமதிக்கப்பட்டாா்.

இதுகுறித்து கண்டமனூா் போலீஸாா் வழக்குப் பதிவு செய்து கணேசன், சின்னச்சாமி, பாண்டி கண்ணன் ஆகிய மூவரையும் கைது செய்தனா்.