போடி பரமசிவன் மலைக் கோயிலில் காா்த்திகை மகா தீபம் ஏற்றப்பட்டது

தேனி மாவட்டம், போடி பரமசிவன் மலைக் கோயிலில் காா்த்திகை மகா தீபம் புதன்கிழமை ஏற்றப்பட்டது. 3 நாள்கள் தீபம் எரிவதற்கு ஏற்பாடு செய்யப்பட்டுள்ளது.

தென் திருவண்ணாமலை என்றழைக்கப்படும் இந்தக் கோயிலில் காா்த்திகை மகா தீபம் ஏற்றுவதற்காக 115 கிலோ பஞ்சு திரி தயாரிக்கப்பட்டது. பக்தா்களிடம் 702 லிட்டா் நெய் நன்கொடையாக பெறப்பட்டது.

காா்த்திகையை முன்னிட்டு, கோயிலில் சிறப்பு பூஜைகள் நடத்தப்பட்டு, பரணி தீபம் ஏற்றப்பட்டது. பரணி தீபம் கோயிலில் வலம் வந்த பின்னா் பக்தா்களின் ஓம் நமச்சிவாய சரண கோஷத்துடன் தீபம் ஏற்றப்பட்டது.

இந்தத் தீபம் 3 நாள்கள் தொடா்ந்து எரிவதற்கு ஏற்பாடு செய்யப்பட்டுள்ளது.

இதற்கான ஏற்பாடுகளை குருநாதா் சுருளிவேல் தலைமையில் சிங்காரவேலன் பழனி பாதயாத்திரை பேரவைத் தலைவா்கள் ஜெயராம், முருகன், செயலா் அழகா்சாமி, பொருளாளா் செந்தில்குமாா் ஆகியோா் செய்தனா்.

நிகழ்ச்சியில் போடி பரமசிவன் மலைக்கோயில் அன்னதான அறக்கட்டளைத் தலைவா் வடமலை ராஜையபாண்டியா், கோயில் செயல் அலுவலா் நாராயணி, கோயில் அலுவலக உதவியாளா் பழனியப்பன் உள்ளிட்டோா் கலந்து கொண்டனா். அபிஷேக ஏற்பாடுகளை கோயில் அா்ச்சகா்கள் குமாா், குமரவேல் செய்தனா்.

இதே போல, போடி நாகலாபுரம் அருகே மல்லிங்கா் கரட்டில் உள்ள மல்லிங்கேசுவரா் கோயிலில் காா்த்திகை தீபம் ஏற்றப்பட்டது. இதில் நாகலாபுரம், ராசிங்காபுரம், சங்கராபுரம், தேவாரம், மல்லிங்காபுரம், கெஞ்சம்பட்டி உள்ளிட்ட கிராமங்களை சோ்ந்த நூற்றுக்கணக்கானோா் பங்கேற்று சுவாமி தரிசனம் செய்தனா்.

போடி வினோபாஜி குடியிருப்பில் அமைந்துள்ள மீனாட்சி சுந்தரேஸ்வரா் கோயிலில் காா்த்திகை தீபத் திருவிழா விமரிசையாக நடைபெற்றது. இதில் சிவலிங்கப் பெருமானுக்கு சிறப்பு பூஜைகள் நடத்தப்பட்டு, கோயில் வளாகத்தில் சொக்கப்பனை கொளுத்தப்பட்டது. அலங்கரிக்கப்பட்ட சிவலிங்கப் பெருமானுக்கு மகா தீபாராதனை நடைபெற்றது. இதில் நூற்றுக்கணக்கான பக்தா்கள் பங்கேற்று வழிபட்டனா்.