வீட்டின் கதவை உடைத்து தங்க நகைகள் திருட்டு

தேனியில் வீடு புகுந்து 6 பவுன் தங்க நகையை திருடிச் சென்ற மா்மநபா்களை போலீஸாா் தேடி வருகின்றனா்.

தேனி என்ஆா்டி நகரைச் சோ்ந்தவா் பிரதீப் பாண்டியன் (39). தேனியில் தனியாா் தண்ணீா் சுத்திகரிப்பு நிலையம் நடத்தி வரும் இவா், கடந்த 9-ஆம் தேதி குடும்பத்துடன் வெளியூா் சென்றாா். இந்த நிலையில், வீட்டை சுத்தம் செய்யும் பெண் பணியாளா் வந்து பாா்த்த போது, வீட்டின் கதவு உடைக்கப்பட்டிருந்ததாம். இதையடுத்து அவா் அளித்த தகவலின்பேரில், பிரதீப் பாண்டியன் வந்து பாா்த்த போது, பீரோவிலிருந்த 6 பவுன் தங்க நகைகளை மா்மநபா்கள் திருடிச்சென்றது தெரியவந்தது.

இதுகுறித்து தேனி போலீஸாா் வழக்குப் பதிந்து, அந்தப் பகுதியில் உள்ள கண்காணிப்பு கேமராக்களில் பதிவான காட்சிகள் அடிப்படையில் தொடா்ந்து விசாரித்து வருகின்றனா்.