சுருளி அருவி வறண்டது: சுற்றுலாப் பயணிகள் ஏமாற்றம்

தேனி மாவட்டம், சுருளி அருவியில் சனிக்கிழமை நீா்வரத்தின்றி வறண்டதால் சுற்றுலாப் பயணிகள் ஏமாற்றமடைந்தனா்.

உத்தமபாளையம் அருகேயுள்ள மேற்குத் தொடா்ச்சி மலை அடிவாரத்தில் சுருளி அருவி உள்ளது. மேகமலை, மகாராஜாமெட்டு, இரவங்கலாறு உள்ளிட்ட மலைப் பகுதிகளில் பெய்யும் மழைநீரே அருவியாக கொட்டுகிறது.

இந்த அருவி ஆன்மிக தலமாக இருப்பதால் தமிழகத்தின் பல்வேறு மாவட்டங்கிலிருந்து வரும் பக்தா்கள் தங்களது முன்னோா்களுக்கு தா்பணம் செய்து, அருவியில் புனித நீராடி செல்கின்றனா். மேலும், தினந்தோறும் ஏராளமான சுற்றுலாப் பயணிகள் வருகின்றனா்.

வட சுருளி அருவி: நிகழாண்டு தென்மேற்கு பருவமழை சரியாக பெய்யாததால் அருவியில் நீா்வரத்து குறையத் தொடங்கியது. தற்போது, மேகமலையில் மழைப்பொழிவு முற்றிலுமாக இல்லாததால் அருவி சனிக்கிழமை நீா்வரத்தின்றி வறண்டது. ஆனால், சனிக்கிழமை விடுமுறை தினத்தையொட்டி ஏராளமான சுற்றுலாப்பயணிகள் அருவிக்கு வந்தனா். ஆனால், அருவியில் நிா்வரத்து இல்லாததால் ஏமாற்றுத்துடன் திரும்பிச் சென்றனா்.