வீட்டில் பட்டாசுகள் பதுக்கிய இருவா் கைது

சிவகாசி அருகே அனுமதியின்றி வீட்டில் பட்டாசுகள் பதுக்கிய இருவரை போலீஸாா் வியாழக்கிழமை கைது செய்தனா்.

சிவகாசி அருகேயுள்ள திருத்தங்கல் சரஸ்வதி நகரில் உள்ள ஒரு வீட்டில் பட்டாசுகள் பதுக்கி வைத்திருப்பதாக போலீஸாருக்குத் தகவல் கிடைத்தது. இதனடிப்படையில், போலீஸாா் அந்தப் பகுதிக்கு சென்று சோதனை நடத்தினா். அப்போது, முத்துராஜ் மகன் அய்யாச்சாமி (27) தனது வீட்டில் அனுமதியின்றி பட்டாசு பண்டல்களை பதுக்கி வைத்திருந்தது தெரியவந்தது. இவரை திருத்தங்கல் போலீஸாா் கைது செய்து, பட்டாசு பண்டல்களை பறிமுதல் செய்தனா்.

இதேபோல, சிவகாசி அருகேயுள்ள செங்கமலநாட்சியாா்புரம் சிவாஜி கணேசன் குடியிருப்புப் பகுதியைச் சோ்ந்த கருப்பசாமி (41) தனது வீட்டில் அனுமதியின்றி பட்டாசு பண்டல்களை பதுக்கி வைத்திருந்த போது, திருத்தங்கல் போலீஸாா் அவரை கைது செய்தனா்.