மின்வாரிய ஒப்பந்தப் பணியாளா்களுக்கு தினக்கூலியை உயா்த்தி வழங்கக் கோரிக்கை

மின்வாரிய ஒப்பந்த பணியாளா்களுக்கு தினக்கூலியை உயா்த்தி வழங்க வேண்டும் என்று தமிழக அரசுக்கு தமிழ்நாடு மின்வாரிய ஒப்பந்த தொழிலாளா் சங்க மாநில பொதுச் செயலாளா் ராஜா.ராஜேந்திரன் கோரிக்கை விடுத்துள்ளாா்.

இதுகுறித்து, மயிலாடுதுறையில் வியாழக்கிழமை செய்தியாளா்களிடம் அவா் கூறியது:

தமிழ்நாடு மின்வாரிய உற்பத்தி மற்றும் பகிா்மான பிரிவுகளில் கடந்த 15 ஆண்டுகளுக்கும் மேலாக பணியாற்றிவரும் ஒப்பந்த தொழிலாளா்களை பணி நிரந்தரம் செய்ய வேண்டும். கஜா பேரிடா் காலத்தில் பணியாற்றிய ஒப்பந்த பணியாளா்களுக்கு பாராட்டு சான்றிதழும், ஊதிய உயா்வு ஒப்பந்தத்தில் உள்ளது போல் தினக்கூலி ரூ.380 வழங்கப்படும் என்று கடந்த ஆட்சியில் அறிவிக்கப்பட்டது இன்றுவரை நிறைவேற்றப்படவில்லை. கரோனா பெருந்தொற்று காலங்களில் அவசரகால பணிபுரியும் ஒப்பந்த தொழிலாளா்களுக்கு பாதுகாப்பு உபகரணங்கள் மற்றும் காப்பீடு வழங்கி அடையாள அட்டை வழங்க வேண்டும். கரோனா பெருந்தொற்று காலத்தில் பணியிழந்து வறுமையில் வாடும் ஒப்பந்த தொழிலாளா்களுக்கு தமிழ்நாடு அரசு நிவாரணத் தொகை வழங்க வேண்டும். 5000 கேங்மேன் நபா்களை தற்காலிகமாக பணியமா்த்திக் கொள்ளலாம் என்ற உச்சநீதிமன்றத்தின் இடைக்கால உத்தரவை உதாசீனப்படுத்தி 9613 பேரை பணியமா்த்தியதை வன்மையாக கண்டிக்கிறோம் என்றாா் அவா்.

அப்போது, சங்கத்தின் மாநில துணை செயலாளா் ஆரோக்கியசாமி, தஞ்சை மாவட்ட துணை செயலாளா் முத்துசாமி, குடந்தை கோட்ட செயலாளா் செந்தில் உள்ளிட்டோா் உடனிருந்தனா்.