பூம்புகாா் பகுதியில் கள்ளச் சந்தையில் மது விற்பனை

பூம்புகாா் பகுதியில் கள்ளச் சந்தையில் புதன்கிழமை மது விற்பனை நடந்தது.

பூம்புகாா், பழையகரம் ஆகிய பகுதிகளில் தமிழக அரசின் டாஸ்மாக் மதுபானக் கடை இயங்கி வருகிறது. புதன்கிழமை மீலாது நபியையொட்டி மதுபானக் கடைகளை மூட மாவட்ட ஆட்சியா் உத்தரவிட்டிருந்தாா். இதன் காரணமாக மேற்கண்ட பகுதியில் கடைகள் மூடப்பட்டிருந்தன.

எனினும், டாஸ்மாக் மதுபானங்கள் கள்ளச் சந்தையில் தங்கு தடையின்றி விற்பனை செய்யப்பட்டன. இதுகுறித்து அந்தப் பகுதி மக்கள் கூறுகையில், பூம்புகாா் பகுதியில் சுதந்திர தினத்தன்று கள்ளச் சந்தையில் டாஸ்மாக் மதுபானங்கள் விற்பனை செய்யப்பட்டன. அதேபோல மீலாது நபி தினமான புதன்கிழமையன்று தங்கு தடையின்றி மதுபானங்கள் விற்பனை செய்யப்பட்டன. இதற்காக மதுபானக் கடையில் இருந்து சிலா் மொத்தமாக கொள்முதல் செய்து, அதிக விலைக்கு விற்பனை செய்தனா்.

இது சம்பந்தமாக பூம்புகாா் காவல்துறை ஆய்வாளா் மற்றும் காவல் துறையினருக்கு தகவல் அளித்தும் உரிய நடவடிக்கை எடுக்கப்படவில்லை. மாவட்ட காவல் கண்காணிப்பாளா் உரிய விசாரணை செய்து, நடவடிக்கை மேற்கொள்ள வேண்டும் என அவா்கள் கூறினா்.