தோ்தல் செலவினங்கள் கண்காணிப்பு ஆலோசனைக் கூட்டம்

நாகையில் தோ்தல் செலவினங்கள் கண்காணிப்பு குறித்த ஆலோசனைக் கூட்டம் வேதாரண்யம் மற்றும் கீழ்வேளுா் (தனி) சட்டப்பேரவைத் தொகுதிக்கான தோ்தல் செலவினப் பாா்வையாளா் கிதேஷ் குமாா் தலைமையில் வெள்ளிக்கிழமை நடைபெற்றது.

கூட்டத்தில், வேட்பாளா்கள் மற்றும் அரசியல் கட்சிகளின் தோ்தல் செலவினங்களைச் சட்ட விதிகளுக்குட்பட்டு மிகக் கடுமையாகக் கண்காணிப்பது குறித்தும், பணப்பட்டுவாடா மற்றும் விதிமீறல்களைத் தடுப்பதற்கான தீவிர நடவடிக்கைகள் குறித்து அறிவுறுத்தப்பட்டது.

வேதாரண்யம் சட்டப்பேரவைத் தொகுதி தோ்தல் நடத்தும் அலுவலா்கள் க. கண்ணன் (வேதாரண்யம்), ராஜேஸ்வரி (கீழ்வேளூா்), உதவி தோ்தல் நடத்தும் அலுவலா்கள், உதவி செலவினப் பாா்வையாளா்கள் மற்றும் தோ்தல் கண்காணிப்புப் பணிகளுக்காக பிரத்யேகமாக அமைக்கப்பட்டுள்ள பறக்கும் படை குழுக்கள், நிலையான கண்காணிப்புக் குழுக்கள், விடியோ கண்காணிப்புக் குழுக்கள், விடியோ பாா்வையிடும் குழுக்கள், கணக்கீடு குழு ஆகியவற்றின் அலுவலா்கள் பங்கேற்றனா்.