திருத்துறைப்பூண்டியில் 24 இடங்களில் விநாயகர் சிலைகள் பிரதிஷ்டை

திருவாரூர் மாவட்டம், திருத்துறைப்பூண்டி பகுதியில் 24 இடங்களில் விநாயகர் சிலைகள் பிரதிஷ்டை செய்யப்பட்டுள்ளன.
விநாயகர் சதுர்த்தியை முன்னிட்டு, திருத்துறைப்பூண்டியின் நகர பகுதியில் 13 இடங்களிலும், ஊரகப் பகுதியின் 11 இடங்களிலும்  விநாயகர் சிலைகள் பிரதிஷ்டை செய்யப்பட்டு, தினசரி சிறப்பு வழிபாடுகள் நடத்தப்படுகின்றன. இந்த சிலைகள் வரும் 17- ஆம் தேதி, பிறவி மருந்தீஸ்வரர் கோயில் அருகே ஒருங்கிணைக்கப்பட்டு, முள்ளியாற்றில் கரைக்கப்படுகின்றன. நிகழ்ச்சியில், பாஜக மாநில பொதுச் செயலாளர் கருப்பு முருகானந்தம், மாவட்டத் தலைவர் பேட்டை சிவா, இந்து முன்னணி மாநில நிர்வாகி பாஸ்கர் ஆகியோர் பங்கேற்க உள்ளனர். இதற்கான ஏற்பாடுகளை மாவட்டச் செயலாளர் இலசுமணி, ஒன்றியச் செயலாளர் செந்தில்குமார் உள்ளிட்டோர் செய்து வருகின்றனர்.