தில்லியில் அக்னிபத் திட்டத்துக்கு எதிராக போராடத் தூண்டியதாக இளைஞா் கைது

தில்லியில் அக்னிபத் திட்டத்திற்கு எதிராக போராட்டம் மேற்கொண்ட இளைஞா்களைத் தூண்டிவிட்டு, ஆத்திரத்தைத் தூண்டும் வகையில் பேசியதாக ஒருவரை தில்லி காவல்துறை கைது செய்துள்ளது.

இது குறித்து தில்லி போலீஸாா் சனிக்கிழமை தெரிவித்ததாவது: பாபா ஹரிதாஸ் நகரில் உள்ள மாநகராட்சி அலுவலகம் வாயில் அருகே வெள்ளிக்கிழமை அக்னிபத் திட்டத்திற்கு எதிராக நடந்த போராட்டத்தில் 50-60 போ் கூடியிருந்தனா். ராணுவத்தில் 4 ஆண்டுகளுக்கு ஒப்பந்த அடிப்படையில் ஆயுதப் படையில் வீரா்களை சோ்ப்பதற்காக புதிதாக அறிவிக்கப்பட்டுள்ள அக்னிபத் திட்டத்தை திரும்பப் பெற வலியுறுத்தி இளைஞா்கள் கோஷம் எழுப்பினா். போக்குவரத்துக்கு இடையூறு ஏற்படாத வகையில் போாராட்டக்காரா்கள் சாலையின் ஒரு ஓரமாக மாற்றப்பட்டனா். பின்னா், அவா்கள் அமைதியாக கலைந்து செல்லுமாறு போலீஸாரால் கேட்டுக் கொள்ளப்பட்டனா்.

இந்த நிலையில், இந்த ஆா்ப்பாட்டத்தில் தௌலத்பூா் அருகிலுள்ள அசலாத்பூா் கவாத் கிராமத்தைச் சோ்ந்த சுரேந்தா் சா்மா (எ) ஃபௌஜி ஆா்ப்பாட்டத்தில் கலந்து கொண்டு, தனது ஆத்திரத்தைத் தூண்டும் பேச்சின் மூலம் போராட்டக்காரா்களை தூண்டும் வகையில் செயல்பட்டாா். மேலும், அங்கிருந்த போலீஸாரிடம் வாக்குவாதத்தில் ஈடுபட்டாா்.

இதையடுத்து, அவருக்கு எதிராக பிரிவுகள் 186 (அரசுப் பணிகளைச் செய்ய விடாமல் அரசு ஊழியரைத் தடுத்தல்), 353 (அரசு ஊழியரைக் கடமையைச் செய்யவிடாமல் தடுக்க தாக்குதல்), 332 (அரசு ஊழியரை தனது கடமையிலிருந்து தடுக்கத் தானாக முன்வந்து காயப்படுத்துதல்) ஆகியவற்றின் கீழ் வழக்குப் பதிவு செய்யப்பட்டது. பின்னா், அவா் கைது செய்யப்பட்டுள்ளாா். மேலும், போராட்டத்தில் ஈடுபட்ட 18 போ் சம்பவ இடத்திலேயே தடுப்புக் காவலில் வைக்கப்பட்டு வழக்குப்பதிவு செய்யப்பட்டது என்று போலீஸாா் தெரிவித்தனா்.