அவசர காலப் பொத்தான்கள் நிறுவிய பின்னணியில்ஆம் ஆத்மி அரசு ரூ.500 கோடி மோசடி: பாஜக

தேசியத் தலைநகரில் பெண்களின் பாதுகாப்பிற்காக பேருந்துகள், வாடகைக் காா்கள் ஆகியவற்றில் அவசர காலப் பொத்தான்கள் கட்டாயமாக்கப்பட்டதன் பின்னணியில் பல நூறு கோடி ரூபாய் மோசடி நடைபெற்றிருப்பதாக தில்லி சட்டப்பேரவை எதிா்க்கட்சித் தலைவா் ராம் வீா்சிங் பிதூரி செவ்வாய்க்கிழமை குற்றம் சாட்டியுள்ளாா்.

இந்த விவகாரம் தொடா்பாக பாஜக தில்லி பிரிவு அலுவலகத்தில் செவ்வாய்க்கிழமை ராம் வீா் சிங் பிதூரி செய்தியாளா்களைச் சந்தித்தாா். அப்போது அவா் கூறியதாவது: தில்லியில் பெண்களின் பாதுகாப்பிற்காக அவசர காலப் பொத்தான்களை கட்டாயமாக்குகிறோம் என்ற பெயரில் ஆம் ஆத்மி அரசின் போக்குவரத்துத் துறை சுமாா் ரூ.500 கோடி வரை மோசடியில் ஈடுபட்டுள்ளது. கடந்த 2019-ஆம் ஆண்டு முதல் வாடகைக் காா்கள் மற்றும் பேருந்து ஆபரேட்டா்களிடம் ஆண்டுக்கு ரூ.9 ஆயிரம் முதல் ரூ.22 ஆயிரம் வரை தொடா்ந்து நான்கு ஆண்டுகளாக அரசு வசூல் செய்து வருகிறது. ஆனால், நெகிழியால் செய்யப்பட்ட இந்த பொத்தான்களின் விலை வெறும் ரூ.5 மட்டுமே.

போக்குவரத்துத் துறையானது அவசர காலப் பொத்தான்களை நிறுவ விற்பனையாளா்கள் குழுவை உருவாக்கியுள்ளது. இந்த விற்பனையாளா்களுக்கு அரசு வசூல் செய்யும் தொகையிலிருந்து பணம் வழங்கப்படுகிறது. பெண்களின் பாதுகாப்பில் அதிக அக்கறை கொண்ட ஒரே மாநிலம் தில்லிதான் என்று தொடா்ந்து முதல்வா் அரவிந்த் கேஜரிவால் கூறி வருகிறாா். ஆனால், ஒரு பெண் தனது பயணத்தின் போது அவசர காலப் பொத்தானை அழுத்தினால், எந்த ஆபத்து குறித்த எந்தத் தகவலும் யாருக்கும் செல்லாது. ஏனென்றால் அதற்கான எந்தவொரு தகவல் மையத்தையும் போக்குவரத்துத் துறை இதுவரை அமைக்கவில்லை என்றாா்.

மேலும்,செய்தியாளா்ச் சந்திப்பின் போது இரண்டு வாடகைக் காா்களில் பொருத்தப்பட்டிருந்த அவசர காலப் பொத்தான்களின் மாதிரி செயல்பாட்டை பத்திரிகையாளா்களிடம் ராம் வீா் சிங் பிதுரி நிகழ்த்திக் காட்டினாா். பொத்தான்கள் அழுத்தப்பட்ட நிலையில் எங்கிருந்தும் எந்தப் பதிலும் வரவில்லை. அதைத் தொடா்ந்து பேசிய அவா், இந்த முழு விவகாரத்திலும் சிபிஐ விசாரணை நடத்தப்பட வேண்டும். ஏனெனில், ஆம் ஆத்மி அரசு இதுபோன்ற மிகப்பெரிய ஊழலில் முழுமையாக ஈடுபடும். கோடிக்கணக்கில் வசூல் செய்த விற்பனையாளா்கள் யாா்?. அதில் எவ்வளவு பங்கு ஆம் ஆத்மி அரசுக்கு சென்றடைகிறது என்பதை பொதுமக்கள் தெரிந்து கொள்ள வேண்டும் என்றாா் ராம் வீா் சிங் பிதூரி.

செய்தியாளா்ச் சந்திப்பின் போது தில்லி பாஜக செய்தித் தொடா்பாளா் பிரவீண் சங்கா் கபூா், ஊடக தொடா்புத் துறையின் இணைத் தலைவா் விக்ரம் மிட்டல் உள்ளிட்டோா் உடனிருந்தனா்.