மூலைக்கரைப்பட்டி அருகே நெல் மூட்டையை திருடியவா் கைது

களக்காடு: திருநெல்வேலி மாவட்டம், மூலைக்கரைப்பட்டி அருகே நெல் மூட்டையை திருடியதாக இளைஞரை போலீஸாா் திங்கள்கிழமை கைது செய்தனா்.

மூலைக்கரைப்பட்டி அருகேயுள்ள கூந்தன்குளம், அம்மன் கோயில் தெருவைச் சோ்ந்தவா் ஆறுமுக நயினாா் (49). இவா், கடந்த 12ஆம் தேதி தனது வயலில் அறுவடை செய்த 26 மூட்டை நெல்லை கூந்தன்குளம் கிருஷ்ணன் கோயில் அருகே உள்ள இடத்தில் வைத்திருந்தாா்.

மே 14ல் பாா்த்தபோது ஒரு மூட்டையை காணவில்லையாம். இதுகுறித்து ஆறுமுக நயினாா் மூலக்கரைப்பட்டி காவல் நிலையத்தில் புகாா் அளித்தாா். உதவி ஆய்வாளா் மாரியப்பன் வழக்குப் பதிந்து விசாரணை மேற்கொண்டாா். அதில், பரப்பாடி அருகேயுள்ள வேப்பன்குளம் நடுத்தெருவை சோ்ந்த செல்வன் (34) நெல் மூட்டையை திருடியது தெரியவந்தது. அவரை போலீஸாா் கைது செய்தனா்.