கருங்கல் அருகே கல்லறை சேதம்: 3 பெண்கள் மீது வழக்கு

கருங்கல் அருகே உள்ள பாலூா் பகுதியில் கல்லறையை சேதப்படுத்தியதாக 3 பெண்கள் மீது போலீஸாா் வழக்குப் பதிந்து விசாரித்து வருகின்றனா்.

பாலூா் கோட்டவிளை பகுதியைச் சோ்ந்தவா் சசிகுமாா்(44). அப் பகுதியில் இவருக்கு சொந்தமான நிலம் உள்ளது.

இங்கு இவரது தாய் , தந்தையின் கல்லறை உள்ளது. இந்நிலையில் முன்விரோதம் காரணமாக அதே பகுதியை சோ்ந்த புஷ்பலில்லி(60), கமலின்கமலா(40), கிருபாசுஜி(32) ஆகிய மூவரும் வியாழக்கிழமை அக் கல்லறையின் ஒரு பகுதியை சேதப்படுத்தினராம்.

இது குறித்த புகாரின் பேரில் கருங்கல் போலீஸாா் வழக்குப் பதிந்து விசாரித்து வருகின்றனா்.