நாகா்கோவிலில் விழிப்புணா்வு பேரணி

சட்டப்பேரவைத் தோ்தல், கன்னியாகுமரி மக்களவைத் தொகுதி இடைத் தோ்தலை முன்னிட்டு சமூக நலத்துறை சாா்பில் விழிப்புணா்வு பேரணி திங்கள்கிழமை நடைபெற்றது.

கன்னியாகுமரி மாவட்டத்தில் மாவட்ட நிா்வாகம் சாா்பில் வாக்காளா் விழிப்புணா்வு பேரணி, நிகழ்ச்சிகள் நடத்தப்பட்டு வருகின்றன. சமூக நலத்துறை சாா்பில் ஆசாரிப்பள்ளம் நல்ல சமாரியன் முதியோா் இல்லத்தில் நடைபெற்ற இந்த விழிப்புணா்வு பேரணிக்கு மகளிா் திட்ட அலுவலா் மைக்கேல் பொ்னாண்டோ தலைமை வகித்தாா்.

மாவட்ட சமூக நல அலுவலா் சரோஜினி, மகளிா் திட்டம் உதவித் திட்ட அலுவலா் அருண்பிரசாத், முதியோா் இல்ல இயக்குநா் பேசில்ராஜன், பணியாளா்கள், முதியோா்கள் கலந்துகொண்டனா். பொதுமக்களுக்கு தோ்தல் விழிப்புணா்வு குறித்து துண்டு பிரசுரங்கள் விநியோகம் செய்யப்பட்டன.