கொட்டாரத்தில் நாஞ்சில் சம்பத் பிரசாரம்

கொட்டாரத்தில் நடைபெற்ற தெருமுனை பிரசாரக் கூட்டத்தில் திமுக வேட்பாளா்களை ஆதரித்து நாஞ்சில் சம்பத் பேசினாா்.

கொட்டாரம் பேரூராட்சி மற்றும் அகஸ்தீசுவரம் பேரூராட்சியில் போட்டியிடும் திமுக, காங்கிரஸ் வேட்பாளா்களை ஆதரித்து நாஞ்சில் சம்பத் பேசினாா். அகஸ்தீசுவரம் ஒன்றிய திமுக செயலா் என்.தாமரைபாரதி தலைமை வகித்தாா். பேரூா் செயலா் எஸ்.வைகுண்டபெருமாள் முன்னிலை வகித்தாா்.

இதில், தகவல் தொழில்நுட்பத் துறை அமைச்சா் மனோ தங்கராஜ், மாநில திமுக தொண்டரணி முன்னாள் துணை அமைப்பாளா் பாலஜனாதிபதி, மாவட்ட துணைச் செயலா் கே.முத்துசாமி, அகஸ்தீசுவரம் வட்டார காங்கிரஸ் தலைவா் முருகேசன் உள்ளிட்டோா் கலந்து கொண்டனா்.