பசுமை சாம்பியன் விருது பெற விண்ணப்பிக்கலாம்

குமரி மாவட்டத்தில் சுற்றுச்சூழல் துறையின் சாா்பில் வழங்கப்படும் பசுமை சாம்பியன் விருது பெற விண்ணப்பிக்க அழைப்பு விடுக்கப்பட்டுள்ளது.

இது குறித்து, மாவட்ட ஆட்சியா்மா.அரவிந்த் வெளியிட்டுள்ள செய்திக்குறிப்பு: தமிழக அரசின், சுற்றுச்சூழல் கால நிலை மாற்றம் மற்றும் வனத்துறையின் சாா்பில், சுற்றுச்சூழல் பாதுகாப்பு மற்றும் விழிப்புணா்வு ஏற்படுத்தும் பொருட்டு 100 பேருக்கு, தலா ரூ. 1 லட்சம் வீதம் ரொக்கப் பரிசு மற்றும் பசுமை சாம்பியன் விருது வழங்கப்பட்டு வருகிறது.

தனிநபா்கள் மற்றும் அமைப்புகளுக்கு வழங்கப்படும் இந்த விருது, சுற்றுச்சூழல் கல்வி மற்றும் பயிற்சி, சுற்றுச்சூழல் விழிப்புணா்வு, சுற்றுச்சூழல் பாதுகாப்பு, பசுமை தயாரிப்புகள், பசுமை தொழில்நுட்பம் தொடா்பான விஞ்ஞான ஆய்வுகள், திடக்கழிவு மேலாண்மை, நீா் மேலாண்மை மற்றும் நீா் நிலைகள் பாதுகாப்பு, காற்று மாசு குறைத்தல், பிளாஸ்டிக் கழிவுகளின் மறுசுழற்சி மற்றும் கட்டுப்பாடு நடவடிக்கை, சுற்றுச்சூழல் மறுசீரமைப்பு மற்றும் பாதுகாப்பு, கடற்கரை பாதுகாப்பு நடவடிக்கை ஆகியவற்றை முழுமையாக செயல்படுத்திய நிறுவனங்கள், கல்வி நிறுவனங்கள், குடியிருப்போா் நல சங்கங்கள், தனி நபா்கள், உள்ளாட்சி அமைப்புகள்,தொழிற்சாலைகளுக்கு பசுமை சாம்பியன் விருது வழங்கப்படும். மாவட்ட ஆட்சியரின் தலைமையில் அமைக்கப்பட்ட பசுமை சாம்பியன் விருது தோ்வு செய்யும் குழு மூலம் தகுதி வாய்ந்த 3 போ், நிறுவனங்கள் தோ்வு செய்யப்படுவா்.

இதற்கான விண்ணப்ப படிவத்தை தமிழ்நாடு மாசு கட்டுப்பாடு வாரிய வலைதளத்தில் பதிவிறக்கம் செய்துகொள்ளலாம்.

கூடுதல் தகவல்கள் தேவைப்படுவோா், நாகா்கோவிலில் உள்ள மாவட்ட சுற்றுச் சூழல் பொறியாளரைஅணுகலாம் என்று அதில் குறிப்பிடப்பட்டுள்ளது.