நாகா்கோவிலில் பொன்னப்ப நாடாா் சிலை: முதல்வா் மு.க.ஸ்டாலின் திறந்துவைத்தாா்

நாகா்கோவிலில் சுதந்திரப் போராட்ட தியாகியும் காங்கிரஸ் கட்சி தலைவருமான ஆா்.பொன்னப்ப நாடாா் சிலையை தமிழக முதல்வா் மு.க.ஸ்டாலின் செவ்வாய்க்கிழமை மாலை திறந்து வைத்தாா்.

‘குமரி கோமேதகம்’ என்று போற்றப்படுபவா் ஆா்.பொன்னப்பநாடாா், கன்னியாகுமரி மாவட்டம், கருங்கலை அடுத்த பாலவிளை கிராமத்தைச் சோ்ந்த இவா், ஒடுக்கப்பட்ட மக்கள் பொதுக் கிணற்றில் தண்ணீா் எடுப்பதை தடுத்த நிலப்பிரபுத்துவத்தை எதிா்த்து போராடி சமூக சமத்துவத்தை நிலைநாட்டியவா்.

குமரி தந்தை என்று அழைக்கப்படும் நேசமணியின் நெருக்கமான, நம்பிக்கைக்குரிய தளபதியாக திகழ்ந்தவா்.

திருவிதாங்கூா், கொச்சி சமஸ்தானத்துடன் இருந்த தமிழ்மொழி பேசும் மக்கள் வாழும் பகுதிகளை தமிழகத்துடன் இணைக்கக் கோரி நடைபெற்ற போராட்டங்களில் பங்கேற்று சிறை சென்றவா். திருவிதாங்கூா்-கொச்சி பேரவைக்கு 2 முறையும், கன்னியாகுமரி மாவட்டம், தமிழகத்துடன் இணைந்த பின்னா் கிள்ளியூா், விளவங்கோடு பேரவை தொகுதிகளிலிருந்து 3 முறையும் தோ்ந்தெடுக்கப்பட்டாா்.

சட்டப்பேரவையில் காங்கிரஸ் எதிா்க்கட்சியாக இருந்தபோது எதிா்க்கட்சி தலைவராகவும் பணியாற்றியுள்ளாா்.

பொன்னப்பநாடாரின் நூற்றாண்டு விழாவை முன்னிட்டு அவருக்கு, நாகா்கோவிலில் தமிழக அரசின் சாா்பில் சிலை அமைக்கப்படும் என்று முதல்வா் மு.க.ஸ்டாலின் பேரவையில் அறிவித்திருந்தாா். அதன்படி, நாகா்கோவில் வேப்பமூடு சந்திப்பில் உள்ள சா்.சி.பி.ராமசாமி பூங்கா வளாகத்தில் பொன்னப்பநாடாருக்கு ரூ. 50 லட்சம் மதிப்பில் சிலை அமைக்கப்பட்டது.

அதன் திறப்பு விழா செவ்வாய்க்கிழமை மாலை நடைபெற்றது. இதில் முதல்வா் மு.க.ஸ்டாலின் கலந்துகொண்டு சிலையைத் திறந்துவைத்து மலா்தூவி மரியாதை செலுத்தினாா்.

பொன்னப்பநாடாரின் மகன்களான முன்னாள் எம்எல்ஏ பொன்.விஜயராகவன், ரவீந்திரன், கிருஷ்ணகுமாா், மகள்களான கஸ்தூரி, ராஜேஸ்வரி, விஜயலட்சுமி உள்ளிட்ட அவரது குடும்பத்தினரை முதல்வா் கெளரவித்தாா்.

நிகழ்ச்சியில், பால்வளத் துறை அமைச்சா் மனோதங்கராஜ், மாவட்ட ஆட்சியா் ரா.அழகுமீனா, விஜய்வசந்த் எம்.பி., எம்எல்ஏக்கள் ராஜேஷ்குமாா், பிரின்ஸ், தாரகை கத்பட், தமிழ்நாடு மாநில உணவு ஆணையத் தலைவா் என்.சுரேஷ்ராஜன், நாகா்கோவில் மாநகராட்சி மேயா் ரெ.மகேஷ், ஆணையா் நிஷாந்த் கிருஷ்ணா, முன்னாள் எம்எல்ஏ ஆஸ்டின், செய்தி மக்கள் தொடா்புத் துறை இயக்குநா் இரா.வைத்தியநாதன், முன்னாள் எம்.பி.ஹெலன் டேவிட்சன் உள்ளிட்டோா் கலந்துகொண்டனா்.

கருணாநிதி சிலை திறப்பு..

முன்னதாக சிலை திறப்பு விழாவுக்கு வந்த முதல்வா் மு.க.ஸ்டாலினுக்கு சாலையோரத்தில் திரண்ட திரளான பெண்கள் உள்பட பொதுமக்கள் உற்சாக வரவேற்பு அளித்தனா்.

முதல்வா் மு.க.ஸ்டாலின், நாகா்கோவில் மாநகராட்சி மேயா் ரெ.மகேஷின் சொந்த ஊரான புத்தளம் கல்லடிவிளையில் அவரது சொந்த செலவில் அமைக்கப்பட்டிருந்த கருணாநிதியின் உருவச் சிலை மற்றும் ஸ்டாலின் படிப்பகத்தைத் திறந்துவைத்தாா்.