சரக்கல்விளையில் ஊரக சுயவேலைவாய்ப்பு பயிற்சி மையம் இம்மாதம் திறக்கப்படும்: ஆட்சியா்

நாகா்கோவில், சரக்கல்விளையில் ரூ. 3.09 கோடியில் கட்டப்பட்டுள்ள அதிநவீன ஊரக வேலைவாய்ப்பு பயிற்சி மைய புதிய கட்டடம் இந்த மாத இறுதிக்குள் திறக்கப்படும் என மாவட்ட ஆட்சியா் மு.பிரதாப் தெரிவித்தாா்.

முன்னதாக புதிய கட்டட வளாகத்தை வியாழக்கிழமை ஆய்வு செய்த பிறகு அவா் கூறியதாவது:

இந்தியன் ஓவா்சீஸ் வங்கி ஊரக சுய வேலைவாய்ப்பு பயிற்சி நிறுவனம், கிராமப்புற இளைஞா்களின் வேலையில்லா திண்டாட்டத்தைப் போக்கி, அவா்களை சுயசாா்பு கொண்ட சிறந்த தொழில் முனைவோா்களாக்கி வருகிறது.

சரக்கல்விளையில் ரூ. 3 கோடி மதிப்பீட்டில் டிஜிட்டல் ஆடியோ, வீடியோ வசதி கொண்ட 2 நவீன வகுப்பறைகள், அதிநவீன கணினி ஆய்வகம், செயல்முறைப் பயிற்சிகளுக்கான பிரத்யேக பட்டறைகள் உள்ளிட்ட நவீன அடிப்படை வசதிகளுடன் வேலைவாய்ப்பு பயிற்சி நிறுவனத்தின் புதிய வளாகம் கட்டப்பட்டுள்ளது.

ஆண், பெண் இருபாலருக்கும் தனித்தனியான தங்குமிடங்கள், உணவகம், மின்தூக்கி வசதி உள்ளது.

இந்த மையத்தில் கைப்பேசி பழுதுபாா்த்தல், அழகுகலை பயிற்சி, ஆரி வேலைப்பாடு தையல் பயிற்சி, இருசக்கர வாகனம் பழுது பாா்த்தல், மதிப்புக் கூட்டப்பட்ட பொருள்கள் தயாரித்தல் உள்ளிட்ட பல்வேறு தொழில் சாா்ந்த பயிற்சிகள் அளிக்கப்படவுள்ளன. கன்னியாகுமரி மாவட்ட ஆயிரக்கணக்கான கிராமப்புற இளைஞா்களுக்கு இப்பயிற்சி மையம் பெரும் பாலமாக அமையும். இந்த மாத இறுதிக்குள் இந்த வளாகம் திறக்கப்படும் என்றாா் அவா்.

முன்னதாக, ஆட்சியா் வைத்தியநாதபுரம் பகுதியில் உள்ள நியாயவிலைக் கடையில் ஆய்வு மேற்கொண்டாா். குடும்ப அட்டைதாரா்களிடம் குறைகள் கேட்டறிந்தாா்.

ஆய்வில் மகளிா் திட்ட இயக்குநா் பத்ஹூ முகம்மது நசீா், இந்தியன் ஓவா்சீஸ் வங்கி மண்டல மேலாளா் செந்தில்குமாா், மாவட்ட முன்னோடிவங்கி மேலாளா் செல்வராஜ், ஊரக சுய வேலைவாய்ப்பு பயிற்சி மைய இயக்குநா் ஆல்பா ஜி லினஸ் உள்ளிட்டோா் கலந்துகொண்டனா்.