பாரதியார் நினைவு தினம்: சிலைக்கு மாலை அணிவித்து மரியாதை

மகாகவி பாரதியாரின் நினைவு தினத்தையொட்டி திருநெல்வேலி சந்திப்பில் உள்ள அவருடைய சிலைக்கு மாலை அணிவித்து மரியாதை செலுத்தப்பட்டது.
திருநெல்வேலி சந்திப்பு மகாகவி பாரதி சிலை வளாகத்தில் பாரதியார் உலகப் பொது மன்றத் தலைவரும்,  கல்வியாளருமான அ. மரியசூசை தலைமையில் மாலை அணிவித்து மரியாதை செலுத்தப்பட்டது.  பொதுச் செயலர் கவிஞர்.கோ.கணபதி சுப்பிரமணியன் வரவேற்றார்.  ஓய்வூதியர்கள் சங்க மாவட்டச் செயலர் எஸ்.கணபதியப்பன், அருங்காட்சியக காப்பாட்சியர் சிவ.சத்தியவள்ளி, பேராசிரியர் உஷாதேவி, பாரதியார் உலகப் பொது மன்ற பொறுப்பாளர்கள் நல்லாசிரியர். நடராஜன், சு.முத்துசாமி, கவிஞர். சக்திவேலாயுதம். சமூக ஆர்வலர்கள் சுந்தரம், சங்கரலிங்கம், ஊர்க்காவல் படை முன்னாள் அதிகாரி சுப்பையா உள்பட பலர் கலந்து கொண்டனர். தேசிய ஒருமைப்பாட்டு உறுதிமொழியை பொதுச் செயலர், வாசிக்க அனைவரும் உறுதிமொழி ஏற்றனர்.