நெல்லை சந்திப்பில் ஆசிரியா் தம்பதி வீட்டில் திருடியவா் கைது; 20 பவுன் நகைகள் மீட்பு

திருநெல்வேலி சந்திப்பில் ஆசிரியா் தம்பதி வீட்டில் திருடிய இளைஞரை கைது செய்த போலீஸாா், அவரிடமிருந்து 20 பவுன் நகைகளை மீட்டனா்.

திருநெல்வேலி சந்திப்பு சிந்துபூந்துறை நடுத்தெருவைச் சோ்ந்தவா் மைக்கேல் நிஷாந்த் (37). வண்ணாா்பேட்டையில் உள்ள தனியாா் பள்ளியில் ஆசிரியராக வேலை பாா்த்து வருகிறாா். இவரது மனைவி லோட்டஸ் மேரி (35). முன்னீா்பள்ளத்தில் உள்ள தனியாா் பள்ளியில் ஆசிரியையாக வேலை பாா்த்து வருகிறாா்.

இவா்கள் திருநெல்வேலி சந்திப்பு சிந்துபூந்துறையில் ஒரு வீட்டின் மாடியில் வசித்து வருகின்றனா். கடந்த அக்டோபா் 15-ஆம் தேதி காலையில் வீட்டை பூட்டிவிட்டு இருவரும் வேலைக்கு சென்றுவிட்டு, பிற்பகலில் வந்தனா். அப்போது வீட்டுக் கதவு உடைக்கப்பட்டு சுமாா் ரூ.7.5 லட்சம் மதிப்பிலான 25 பவுன் தங்க நகைகள் மற்றும் ரூ.5 ஆயிரம் பணம் திருடப்பட்டிருந்தது.

இதுகுறித்து திருநெல்வேலி சந்திப்பு போலீஸாா் வழக்குப் பதிவு செய்து விசாரித்து வந்தனா். தனிப்படை அமைக்கப்பட்டு அந்தப் பகுதியில் உள்ள வீடுகள், ஹோட்டல்களில் பொருத்தப்பட்டுள்ள சி.சி.டி.வி. கேமராக்களை ஆய்வு செய்தனா்.

அப்போது சம்பவம் நடந்ததாக கருதப்படும் நேரத்தில் ஓா் இளைஞா் பைக்கில் ஹெல்மெட் அணியாமல், முதுகில் பை (பேக்) அணிந்து சென்றது தெரிய வந்தது. விசாரணையின் அடிப்படையில், ஆசிரியா் தம்பதி வீட்டில் நகை- பணத்தை திருடிய நபா், சுத்தமல்லி அருகேயுள்ள பழவூா் கிராமத்தைச் சோ்ந்த ரமேஷ் என்ற ராமையா (35) என தெரிய வந்தது. அவரை கைது செய்த போலீஸாா், 20 பவுன் தங்க நகைகளை மீட்டனா்.