பாளை.யில் சாலையோர உணவகத்தில் தீ விபத்து

பாளையங்கோட்டை வ.உ.சி. மைதானம் அருகே உள்ள சாலையோர துரித உணவகத்தில் புதன்கிழமை தீ விபத்து நேரிட்டதில் பொருள்கள் சேதமடைந்தன.

பாளையங்கோட்டை வ.உ.சி. மைதானம் பின்புறம் சாலையோரம் ஏராளமான துரித உணவு கடைகள் இயங்கி வருகின்றன. அதில் ஒரு கடையில் புதன்கிழமை பிற்பகல் கரும்புகை வந்துள்ளது. சிறிது நேரத்தில் அங்கு தீ பிடித்து மளமளவென எரிந்தது. இதுகுறித்த தகவலின்பேரில், பாளையங்கோட்டை தீயணைப்பு நிலைய வீரா்கள் வந்து தீயை அணைத்தனா்.

எனினும், கடையில் இருந்த பெரும்பாலான பொருள்கள் எரிந்து சேதமாகின. அந்தக் கடையில் பயன்படுத்தி வந்த மின்கலனில் ஏற்பட்ட மின்கசிவு காரணமாக தீ விபத்து நேரிட்டிஏற்பட்டிருக்கலாம் எனக் கூறப்படுகிறது. இதுகுறித்து பாளையங்கோட்டை போலீஸாா் விசாரணை மேற்கொண்டுள்ளனா்.