கேரள மக்களுக்கு நிவாரண பொருள்கள் வழங்க முடிவு

மழை வெள்ளத்தால் பாதிக்கப்பட்டுள்ள கேரள மக்களுக்கு  நிவாரணப் பொருள்கள் வழங்குவது தொடர்பாக, சாத்தான்குளம் அனைத்து மக்கள் நல அமைப்புகள் ஒருங்கிணைப்புக் குழுக் கூட்டம், ஓய்வு பெற்ற ஆசிரியர் சு. கணபதி தலைமையில் செட்கோ தொண்டு நிறுவனத்தில் சனிக்கிழமை நடைபெற்றது.
கூட்டத்தில் சாத்தான்குளம் பொதுமக்களிடம் உண்டியல் மற்றும் நன்கொடை மூலம் நிதி மற்றும் அத்தியாவசிய பொருள்களை தொடர்ந்து  3 நாள்கள் பெற்று கேரள மக்களுக்கு நேரில் சென்று வழங்குவதென தீர்மானிக்கப்பட்டது. இக்கூட்டத்தில் 37 அமைப்புகளின் நிர்வாகிகள் கலந்து கொண்டனர்.
அனைத்து மக்கள் நல அமைப்புகள் ஒருங்கிணைப்பாளர் மகா. பால்துரை வரவேற்றார். கணபதி நன்றி கூறினார்.