திருச்செந்தூரில் வாக்காளர் விழிப்புணர்வுப் பேரணி

திருச்செந்தூரில் வாக்காளர் விழிப்புணர்வு மனிதச் சங்கிலி மற்றும் பேரணி நடைபெற்றது. 
வ.உ.சி. திடலில் தொடங்கிய இப்பேரணிக்கு, கோட்டாட்சியர் இரா.கோவிந்தராசு தலைமை வகித்தார். பயிற்சி சார்-ஆட்சியர் அனு கொடியசைத்து பேரணியை தொடங்கிவைத்தார்.
இதில், கல்லூரி மாணவர், மாணவிகள் கலந்துகொண்டு, விழிப்புணர்வு வாசகங்கள் அடங்கிய பதாகைகளை கையில் ஏந்தியவாறு, ரதவீதிகள் வழியாக வலம் வந்தனர்.
நிகழ்ச்சியில், காவல் துணை கண்காணிப்பாளர் வ.கி.தீபு, வட்டாட்சியர் தில்லைபாண்டி, தேர்தல் பிரிவு துணை வட்டாட்சியர் ரதிகலா, திருக்கோயில் காவல் ஆய்வாளர் ஷீஜாராணி, போக்குவரத்து உதவி ஆய்வாளர் ல.நந்தக்குமார், ஆதித்தனார் கல்லூரி தேசிய தரைப்படை அலுவலர் சிவமுருகன், கோவிந்தம்மாள் ஆதித்தனார் மகளிர் கல்லூரி நாட்டு நலப்பணித் திட்ட அலுவலர் சாந்தா, சாலைப் பாதுகாப்பு படை அலுவலர் ஜான்சிராணி உள்ளிட்டோர் கலந்துகொண்டனர்.