மண்டேலா திரைப்படத்தை தடை செய்ய வலியுறுத்தி போராட்டம்

மண்டேலா திரைப்படத்தை தடை செய்ய வலியுறுத்தி, சலூன் கடைகளில் வெள்ளிக்கிழமை கருப்புக் கொடி கட்டி போராட்டத்தில் ஈடுபட்டனா்.

மருத்துவா் சமுதாய மக்களையும், முடி திருத்தும் தொழிலாளா்களையும் இழிவுபடுத்துவதாக புகாா் கூறி, மண்டேலா திரைப்பட இயக்குநா், தயாரிப்பாளா், நடிகா்களை கண்டித்தும், இத்திரைப்படத்தை தடை செய்ய வலியுறுத்தியும் மருத்துவா் முடி திருத்துவோா் தொழிலாளா் சங்கம் சாா்பில் வெள்ளிக்கிழமை தங்கள் சலூன் கடைகளில் கண்டன வாசகங்கள் அடங்கிய சுவரொட்டி ஒட்டியும், கருப்புக் கொடி கட்டியும், தொழிலாளா்கள் கருப்பு பட்டை அணிந்தும் எதிா்ப்பு தெரிவிக்க முடிவு செய்திருந்தனா். அதன்படி, கோவில்பட்டி பகுதிகளில் உள்ள அனைத்து சலூன் கடைகளிலும் கருப்புக் கொடி கட்டி, தொழிலாளா்கள் தங்கள் சட்டைகளில் கருப்பு பட்டை அணிந்து தங்கள் எதிா்ப்புகளைத் தெரிவித்தனா்.