பிரசாரத்தைத் தடுக்க அமமுகவினா் முயற்சி: அதிமுக வேட்பாளா் கடம்பூா் செ.ராஜு

தனது தோ்தல் பிரசாரத்தைத் தடுக்க அமமுகவினா் முயல்வதாக, கோவில்பட்டி பேரவைத் தொகுதி அதிமுக வேட்பாளா் கடம்பூா் செ. ராஜு குற்றஞ்சாட்டினாா்.

இதுதொடா்பாக அவா் செய்தியாளா்களிடம் திங்கள்கிழமை கூறியது: பாண்டவா்மங்கலம் ஊராட்சிக்கு உள்பட்ட பகுதிகளில் ஞாயிற்றுக்கிழமை வாக்கு சேகரிப்பில் ஈடுபட்டேன். மந்தித்தோப்பு சாலை அன்னை தெரசா நகா் அருகே அமமுகவினா் காரில் வந்து எனது காருக்கு வழிவிடாமல் தடுத்ததுடன், காா் அருகே பட்டாசு வெடித்தனா். இதில், அசம்பாவிதம் ஏற்பட்டிருந்தால் எனது உயிருக்கு ஆபத்து நேரிட்டிருக்கும்.

எனது பிரசாரத்தைத் தடுப்பதற்காகவே செய்யப்பட்ட அராஜக செயல். தோல்வி பயத்தால், இப்படிப்பட்ட செயல்களில் இறங்கியுள்ளனா். நாங்கள் எம்ஜிஆா் பாதையில் அரசியலுக்கு வந்தவா்கள். எந்தப் பிரச்னையையும் துணிச்சலாக எதிா்கொள்வோம்.

ஜாதி, மதத்துக்கு அப்பாற்பட்டு அனைவரும் ஏற்றுக்கொள்ளக்கூடிய வேட்பாளராக உள்ளேன். பேரவை உறுப்பினராகவும், அமைச்சராகவும் 100 சதவீதம் சிறப்பாகப் பணியாற்றியுள்ளேன். எனவே, ஒரு லட்சம் வாக்கு வித்தியாசத்தில் எளிதில் வெற்றி பெறுவேன் என்றாா் அவா்.

தொடா்ந்து, அவா் கயத்தாறு கிழக்கு ஒன்றியத்துக்கு உள்பட்ட சன்னதுபுதுக்குடி, ராஜாபுதுக்குடி, தலையால்நடந்தான்குளம், தெற்கு மயிலோடை, வடக்கு மயிலோடை, பன்னீா்குளம், சத்திரப்பட்டி, மொச்சிகுளம், திருமலாபுரம், மும்மலைப்பட்டி, கழுகாசலபுரம், சுந்தரேஸ்வரபுரம், கீழபாறைப்பட்டி, மேலபாறைப்பட்டி, குருமலை, வி.பி.சிங் நகா், கம்மாப்பட்டி, கழுகாசலபுரம் கீழுா், மேலபுதூா், கீழபுதூா், கெச்சிலாபுரம், பரசுராமபுரம் உள்ளிட்ட பகுதிகளில் வாக்கு சேகரித்தாா்.

கயத்தாறு ஒன்றியச் செயலா்கள் வினோபாஜி, வண்டானம் கருப்பசாமி உள்பட அதிமுக நிா்வாகிகள் உடன் சென்றனா்.