புதுக்கோட்டையில் இருந்து கோவில்பட்டி தொகுதிக்கு வந்த வாக்குப்பதிவு இயந்திரங்கள்

கோவில்பட்டி சட்டப்பேரவைத் தொகுதிக்கு புதுக்கோட்டையில் இருந்து 450 மின்னணு வாக்குப் பதிவு இயந்திரங்கள் சனிக்கிழமை வந்தடைந்தது.

கோவில்பட்டி சட்டப்பேரவைத் தொகுதியில் அதிமுக, அமமுக, சிபிஎம், மநீம, நாம் தமிழா் கட்சி உள்பட 26 போ் களத்தில் உள்ளனா். இதனால் கோவில்பட்டி தொகுதியில் 375 வாக்குச்சாவடி மையங்களுக்கும் தலா 2 வாக்குப்பதிவு இயந்திரங்கள் தேவைப்படுகின்றன.

ஏற்கனவே கோவில்பட்டி வட்டாட்சியா் அலுவலக பாதுகாப்பு அறையில் 450 மின்னணு வாக்குப்பதிவு இயந்திரங்கள் உள்ளன. இந்நிலையில் மேலும் 450 மின்னணு வாக்குப்பதிவு இயந்திரங்கள் கோவில்பட்டி வட்டாட்சியா் அலுவலகத்துக்குபுதுக்கோட்டையில் இருந்து கொண்டுவரப்பட்டன. அதையடுத்து வட்டாட்சியா் அமுதா, தோ்தல் துணை வட்டாட்சியா் சுரேஷ், அரசியல் கட்சியினா் மற்றும் வேட்பாளா்களின் முகவா்கள் முன்னிலையில் புதுக்கோட்டையில் இருந்து கொண்டுவரப்பட்ட மின்னணு வாக்குப்பதிவு இயந்திரங்கள் லாரியில் இருந்து இறக்கப்பட்டு, வட்டாட்சியா் அலுவலகத்தில் உள்ள பாதுகாப்பு அறையில் வைக்கப்பட்டு, அந்த அறைக்கு சீல் வைத்தனா்.

வாக்குச்சாவடிக்கு ரேண்டம் முறையில் இயந்திரங்கள் ஒதுக்கீடு:

கோவில்பட்டி தொகுதிகளில் 375 வாக்குச்சாவடி மையங்களுக்கு மின்னணு வாக்குப்பதிவு இயந்திரங்கள் தோ்தல் பொது பாா்வையாளா் அஸ்வினி குமாா் சௌத்ரி, தொகுதி தோ்தல் நடத்தும் அலுவலா் சங்கரநாராயணன் ஆகியோா் தலைமையில் வேட்பாளா்கள் மற்றும் அவா்களின் முகவா்கள் முன்னிலையில் கணினி மூலம் சுழற்சி முறையில் தோ்வு செய்யப்பட்டன.

கூட்டத்தில், கோட்டாட்சியரின் நோ்முக உதவியாளா் முருகானந்தம், தோ்தல் நடத்தும் உதவி அலுவலா்கள் அமுதா, பேச்சிமுத்து, தோ்தல் பிரிவு துணை வட்டாட்சியா்கள் சுரேஷ், சண்முகவேல் உள்ளிட்ட பலா் கலந்து கொண்டனா்.