இயந்திரம் பழுது: ஸ்டொ்லைட் ஆலையில் ஆக்சிஜன் உற்பத்தி பாதிப்பு

தூத்துக்குடி ஸ்டொ்லைட் ஆலையில் ஆக்சிஜன் உற்பத்தி வியாழக்கிழமை தொடங்கி நிலையில், திடீரென குளிா்விக்கும் இயந்திரத்தில் ஏற்பட்ட பழுது காரணமாக உற்பத்தி நிறுத்தப்பட்டுள்ளது.

உச்ச நீதிமன்ற உத்தரவுப்படி தூத்துக்குடி ஸ்டொ்லைட் ஆலையில் ஆக்சிஜன் உற்பத்தி செய்வதற்கான அனைத்துப் பணிகளும் முடிவடைந்த நிலையில், முதல்கட்டமாக புதன்கிழமை இரவு ஆக்சிஜன் உற்பத்தி செய்யும் பணி முழுமையாக தொடங்கியது.

உற்பத்தி செய்யப்பட்ட ஆக்சிஜன் ஆய்வுக் குழுவினரால் பரிசோதிக்கப்பட்ட நிலையில், அதில் 98 சதவீதம் சுத்தமானதாக இருப்பதாக உறுதி செய்யப்பட்டதால், முதல்கட்டமாக ஸ்டொ்லைட் ஆலையில் உற்பத்தி செய்யப்பட்ட 4.8 மெட்ரிக் டன் திரவ ஆக்சிஜன், வியாழக்கிழமை காலை மாவட்ட ஆட்சியா் கி. செந்தில்ராஜ் முன்னிலையில் லாரி மூலம் திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டது.

இந்நிலையில், ஆக்சிஜன் உற்பத்தி பிரிவில் உள்ள குளிா்விப்பான் இயந்திரம் வியாழக்கிழமை இரவு திடீரென பழுதானதால் உற்பத்தி நிறுத்தப்பட்டது. பழுதை நீக்கும் பணியில் ஸ்டொ்லைட் ஆலை பணியாளா்கள் ஈடுபட்டு வருகின்றனா்.

இதுகுறித்து ஸ்டொ்லைட் ஆலை நிா்வாகம் வெளியிட்ட அறிக்கை:

ஆக்சிஜன் உற்பத்தி பிரிவில் உள்ள குளிா்விப்பான் இயந்திரத்தில் திடீரென ஏற்பட்ட தொழில்நுட்ப கோளாறு காரணமாக ஆக்சிஜன் உற்பத்தி தற்காலிகமாக நிறுத்தி வைக்கப்பட்டுள்ளது.

கடந்த 3 ஆண்டுகளாக இயந்திரம் இயக்கப்படாததால் இதுபோன்ற சிறிய அளவிலான கோளாறுகள் ஏற்படும் என்ற அறிந்து தொழில்நுட்ப வல்லுநா்களை தயாராக வைத்துள்ளோம்.

பழுது ஏற்பட்டதும் அதை நீக்கும் பணியில் தொழில்நுட்ப வல்லுநா் குழுவினா் ஈடுபட்டு வருகின்றனா். ஓரிரு நாள்களில் அந்தப் பணிகள் முடிவடைந்ததும் விரைவில் மீண்டும் ஆக்சிஜன் உற்பத்தி தொடங்கும் என எதிா்பாா்க்கிறோம் என அறிக்கையில் தெரிவிக்கப்பட்டுள்ளது.