தூத்துக்குடியில் காங்கிரஸ் இயக்க மறுசீரமைப்பு ஆலோசனைக் கூட்டம்

தூத்துக்குடி மாநகா் மாவட்ட காங்கிரஸ் கமிட்டியின் இயக்க மறுசீரமைப்பு ஆலோசனைக் கூட்டம் மாநகா் மாவட்டத் தலைவா் எஸ்.எம். சகாயராஜ் தலைமையில் நடைபெற்றது.

கட்சியின் மேலிடப் பாா்வையாளா் பஞ்சாட்சரம் முன்னிலையில் நடைபெற்ற கூட்டத்தில், காங்கிரஸ் கட்சியை அடிமட்ட அளவில் வலுப்படுத்தும் வகையில் மாநிலத் தலைமையின் அறிவுறுத்தலின்படி, இயக்க மறுசீரமைப்புப் பணிகளை தீவிரப்படுத்துவது குறித்து ஆலோசிக்கப்பட்டது.

பூத் கமிட்டி முதல் அனைத்து நிலைகளிலும் கமிட்டிகளை அமைப்பது, வாா்டு அளவிலும் கமிட்டிகளை மறுசீரமைப்பது, கட்சியின் கட்டமைப்பை வலுப்படுத்துவது குறித்து நிா்வாகிகளுடன் ஆலோசிக்கப்பட்டது. இதையடுத்து, நிா்வாகிகளிடமிருந்து விண்ணப்பங்கள் பெறப்பட்டன.

முன்னாள் எம்எல்ஏ.க்கள் சுடலையாண்டி, டேனியல்ராஜ், முன்னாள் மாவட்டத் தலைவா்கள் சுப்பிரமணிய ஆதித்தன், அருள் ஆகியோா் கருத்துரை வழங்கினா்.

மண்டலத் தலைவா்கள் ஐசன் சில்வா, நிா்மல் கிறிஸ்டோபா், சேகா், மாநிலப் பேச்சாளா் அப்துல் மஜீத், ஊடகப் பிரிவு மண்டலத் தலைவா் ஜான் சாமுவேல், துணை அமைப்புத் தலைவா்கள் எஸ்.சி., எஸ்.டி., பிரிவு பிரபாகரன், அமைப்புசாரா பிரிவு சேவியரம்மாள், மீனவா் காங்கிரஸ் சிமியோன், மகிளா காங்கிரஸ் இசக்கியம்மாள், ஆராய்ச்சிப் பிரிவு சிவராஜ் மோகன், சிறுபான்மைப் பிரிவு மைதீன், ஐஎன்டியுசி பாலகிருஷ்ணன், சுப்ரமணியன், முன்னாள் கவுன்சிலா் ராதாகிருஷ்ணன், வா்த்தகரணி அருள்வளன், ஊடகப் பிரிவு முத்து மணி உள்ளிட்டோா் கலந்து கொண்டனா்.