மனநலக் காப்பகத்தில் சிகிச்சை பெற்ற பெண் குடும்பத்தினரிடம் ஒப்படைப்பு

திருச்செந்தூா் ஆதரவற்றோா் மனநலக் காப்பகத்தில் சிகிச்சை பெற்று நலமடைந்த இளம்பெண் அவரது குடும்பத்தினரிடம் ஒப்படைக்கப்பட்டாா்.

உடன்குடி பகுதியில் மனநலம் பாதிக்கப்பட்ட பெண் சுற்றித்திரிவதாக குலேசகரன்பட்டினம் போலீஸாருக்கு கடந்த ஜூலை மாதம் தகவல் கிடைத்தது. அப்பெண்ணை போலீஸாா் மீட்டு திருச்செந்தூரில் உள்ள ஆதரவற்றோா் மனநலக் காப்பகத்தில் சோ்த்தனா். மாவட்ட மனநல மருத்துவா், திருச்செந்தூா் அரசு மருத்துவா்கள் அளித்த தொடா் சிகிச்சையால் குணமடைந்தாா்.

இந்நிலையில், அவா் தருமபுரி மாவட்டத்தைச் சோ்ந்த மஞ்சுநாதன் மனைவி மீனா (35) எனத் தெரியவந்தது. 2 மகன்கள் உள்ளனா். கடந்த 3 ஆண்டுகளாக மனநலம் பாதிக்கப்பட்டு சிகிச்சை பெற்றுவந்த அவா், அடிக்கடி வீட்டிலிருந்து வெளியேறி, சில நாள்கள் கழித்து வீடு திரும்புவாராம். ஆனால், 2 ஆண்டுகளுக்கு முன்பு வீட்டைவிட்டு வெளியேறிய அவா் பின்னா் வீடு திரும்பவில்லை. இதுகுறித்து காவல் நிலையத்தில் மஞ்சுநாதன் புகாரளித்துள்ளதாகவும் தெரியவந்தது.

மீனா குறித்து வருவாய்த் துறை, காவல் துறை சாா்பில் அளிக்கப்பட்ட தகவலின்பேரில், அவரது குடும்பத்தினா் திருச்செந்தூா் வந்தனா். கோட்டாட்சியா் கௌதம் முன்னிலையில் மீனா அவரது குடும்பத்தினரிடம் ஒப்படைக்கப்பட்டாா்.