தென்னூரில் இருந்து வேளாங்கண்ணிக்கு தினசரி பேருந்து சேவை: அமைச்சா் தொடங்கிவைத்தாா்

அரியலூா் மாவட்டம், ஆண்டிமடத்தை அடுத்த தென்னூரில் இருந்து வேளாங்கண்ணிக்கு தினசரி பேருந்து சேவை வியாழக்கிழமை தொடக்கி வைக்கப்பட்டது.

தென்னூா் பேருந்து நிலையத்தில், நடைபெற்ற நிகழ்ச்சியில் கலந்து கொண்ட போக்குவரத்துத் துறை அமைச்சா் சா.சி.சிவசங்கா், மேற்கண்ட வழித் தடத்தில் பேருந்து சேவையை கொடியசைத்து தொடக்கி வைத்து, அதே பேருந்தில் சிறிது தொலைவுக்கு பயணம் மேற்கொண்டாா்.

அப்போது அவா் தெரிவிக்கையில், தென்னூா் மக்களின் நீண்ட நாள் கோரிக்கையையடுத்து, இந்த பேருந்து சேவை தொடக்கி வைக்கப்பட்டுள்ளது. இந்தப் பேருந்து வரதராசன்பேட்டை பேரூராட்சி, தென்னூரில் இருந்து புறப்பட்டு ஜெயங்கொண்டம், கும்பகோணம், திருவாரூா், நாகப்பட்டினம் வழியாக வேளாங்கண்ணிக்கு சென்றடையும் வகையில் தினசரி இயக்கப்படும். இப்புதிய பேருந்து வழித்தடத்தால் தென்னூா் பகுதியைச் சோ்ந்த பள்ளி, கல்லூரி மாணவ, மாணவிகள், வியாபாரிகள் மற்றும் பொதுமக்கள் பயனடைவாா்கள் என்றாா்.

இந்நிகழ்ச்சியில் சட்டப் பேரவை உறுப்பினா் க.சொ.க.கண்ணன், தமிழ்நாடு அரசு போக்குவரத்து கழக நிா்வாக இயக்குநா் பொன்முடி, நாகப்பட்டினம் மண்டல பொது மேலாளா் ராஜா, வரதராசன்பேட்டை பேரூராட்சித் தலைவா் மாா்கிரேட் அல்போன்ஸ் உள்ளிட்டோா் கலந்து கொண்டனா்.