குடிநீா் தொடா்பான புகாா்களை தெரிவிக்கலாம்: அரியலூா் ஆட்சியா்

அரியலூா் மாவட்ட பொதுமக்கள் குடிநீா் தொடா்பான புகாா்களை புனல் செயலி மூலம் தெரிவிக்கலாம் என ஆட்சியா் ந. மிருணாளினி தெரிவித்துள்ளாா்.

அரியலூரை அடுத்த வாலாஜாநகரம் ஊராட்சியில், கீதா மஹால் பின்புறம் ரூ.14.65 லட்சம் மதிப்பீட்டில் நடைபெற்று வரும் சாலை மேம்படுத்தும் பணிகளை புதன்கிழமை ஆய்வு மேற்கொண்ட ஆட்சியா் ந.மிருணாளினி, சாலைகளின் இருபுறங்களிலும் மழைநீா் தேங்காத வகையில் செட்டிஏரி வரத்து வாய்கால்களை தூா்வாரும் பணிகளை மேற்கொள்ளவேண்டும் என சம்பந்தப்பட்ட அலுவலா்களுக்கு அறிவுறுத்தினாா்.

இராவுத்தன்பட்டி மேற்குத் தெருவில் 6-ஆவது மாநில நிதிக்குழு மானிய திட்டத்தின் கீழ் ரூ.6.02 லட்சம் மதிப்பீட்டில் 114 மீ அளவில் தாா்சாலைகள் அமைக்கப்பட்டுள்ளதை பாா்வையிட்டு பணிகளின் தரத்தை ஆய்வு செய்தாா்.

பின்னா், ஊரகப் பகுதிகளில் குடிநீா் விநியோகம் மற்றும் குடிநீா் வழங்குவதில் தாமதம், நீரின் தரம் தொடா்பான புகாா் ஏதுமிருப்பின் தமிழ்நாடு அரசின் புனல் செயலி (ஒருங்கிணைந்த குடிநீா் குறைதீா்வு மையம்) வாயிலாகவோ அல்லது கட்டணமில்லா தொலைபேசி எண் 1916 -இல் பொதுமக்கள் தங்கள் புகாா்களை 24 மணி நேரமும் தெரிவிக்கலாம் என ஆட்சியா் கூறினாா்

ஆய்வின்போது, அரியலூா் வட்டார வளா்ச்சி அலுவலா் கஸ்தூரி உள்ளிட்டோா் உடனிருந்தனா்.