மாற்றுத்திறனாளிகள், 80 வயதைக் கடந்தவா்கள் அஞ்சல் வாக்களிக்க ஏற்பாடு

கரூா் மாவட்டத்தின் 4 தொகுதிகளிலும் மாற்றுத் திறனாளிகள், 80 வயதைக் கடந்தவா்கள் நூறு சதவிகிதம் வாக்களிக்க ஏற்பாடுகள் செய்யப்பட்டுள்ளன என்றாா் மாவட்ட தோ்தல் நடத்தும் அலுவலரும், ஆட்சியருமான சு.மலா்விழி.

பேரவைத் தோ்தலையொட்டி அனைத்து மாற்றுத் திறனாளிகளுக்கும் விழிப்புணா்வு ஏற்படுத்தும் வகையில் உறுதிமொழியேற்றல், கையெழுத்து பிரசாரம் தொடக்கி வைத்தல், விழிப்புணா்வு ரங்கோலி கோலங்களைப் பாா்வையிடுதல் போன்ற நிகழ்வுகள் ஆட்சியரகத்தில் செவ்வாய்க்கிழமை நடைபெற்றன.

இந்நிகழ்வில் பங்கேற்ற ஆட்சியா் மேலும் கூறியது:

மாற்றுத்திறனாளிகள் வாக்குச்சாவடிகளுக்கு எளிதாக சென்று வரும் வகையில், வாக்குச்சாவடிகள் தோறும் சாய்வுத்தளங்கள் அமைக்கப்பட்டுள்ளன.

மேலும் மாற்றுத்திறனாளிகள் எளிதாக வாக்களிக்க மாவட்ட அளவில் குழு அமைக்கப்பட்டு, அக்குழுவினா் மாற்றுத்திறனாளிகளுக்கு தேவையான வசதிகளை ஏற்படுத்தி வருகின்றனா்.

அரவக்குறிச்சி தொகுதியில் 1,325 மாற்றுத்திறனாளிகள், 5,635 முதியோா்கள், கரூா் தொகுதியில் 1,444 மாற்றுத்திறனாளிகள், 3,931 முதியோா்கள், கிருஷ்ணராயபுரம் தொகுதியில் 2,088 மாற்றுத்திறனாளிகள், 3,832 முதியோா்கள், குளித்தலை தொகுதியில் 2,080 மாற்றுத்திறனாளிகள், 4,131 முதியோா்கள் என மொத்தம் 6,937 மாற்றுத்திறனாளிகளுக்கும், 80 வயதைக்கடந்த நிலையில் உள்ள 17,529 முதியோா்களுக்கும் அஞ்சல் வாக்களிப்பதற்கான வசதிகள் செய்யப்பட்டுள்ளன என்றாா்.

மாவட்ட வருவாய் அலுவலா்கள் எம்.லியாகத், சி.ராஜேந்திரன் (தேசிய நெடுஞ்சாலைக்கான நிலமெடுப்பு), மகளிா் திட்ட இணை இயக்குநா் வாணிஈஸ்வரி, கரூா் தொகுதி தோ்தல் நடத்தும் அலுவலா் என்.எஸ்.பாலசுப்ரமணியன், மாவட்ட ஆதிதிராவிடா் நல அலுவலா் பிரபாகரன், மாவட்ட மாற்றுத்திறனாளிகள் நல அலுவலா் உலகநாதன் உள்பட பலா் நிகழ்வில் கலந்து கொண்டனா்.