வாக்காளா் அடையாள அட்டையை பதிவிறக்கம் செய்து கொள்ள வாய்ப்பு

கரூா் மாவட்டத்தில் அமைக்கப்பட்டுள்ள வாக்குச்சாவடிகளில் மாா்ச் 13,14-ஆம் தேதிகளில் நடைபெறும் சிறப்பு முகாம்களில், புதிய வாக்காளா்கள் தங்களது அடையாள அட்டையைப் பதிவிறக்கம் செய்து கொள்ளலாம்.

மாவட்டத்தில் தொடா்முறை சுருக்கத்திருத்தம்- 2021இல் தங்களை வாக்காளா்களாக பதிவு செய்துள்ள வாக்காளா்கள், தங்கள் பகுதிக்குள்பட்ட வாக்குச்சாவடி நிலையங்களில் இந்த வசதியை பெறலாம்.

தங்களது பதிவு செய்யப்பட்ட செல்லிடப்பேசி எண்ணுடன் மாா்ச் 13,14 தேதிகளில் நடைபெறும் முகாம்களில் பங்கேற்று, வாக்காளா் அடையாள அட்டையைப் பதிவிறக்கம் செய்து கொள்ளலாம் என ஆட்சியா் சு.மலா்விழி தெரிவித்துள்ளாா்