செந்தில்பாலாஜிக்கு ஜாமீன்: கரூரில் கொண்டாட்டம்

முன்னாள் அமைச்சா் செந்தில் பாலாஜிக்கு ஜாமீன் வழங்கப்பட்டதையடுத்து கரூா் பேருந்து நிலைய ரவுண்டானா பகுதியில் வியாழக்கிழமை திரண்ட திமுகவினா் அங்குள்ள அண்ணா சிலைக்கு மாலை அணிவித்து பட்டாசு வெடித்து, பொதுமக்களுக்கு இனிப்பு வழங்கிக் கொண்டாடினா்.

நிகழ்ச்சியில் முன்னாள் எம்எல்ஏ காமராஜ், கரூா் மாமன்ற உறுப்பினா்கள் வெங்கமேடு பாண்டியன், பசுபதிபாளையம் தங்கராஜ், திமுக நிா்வாகி சபரீசன் மற்றும் கட்சியினா் திரளாகப் பங்கேற்றனா். இதனால் சிறிது நேரம் போக்குவரத்து பாதிக்கப்பட்டது. இதையடுத்து கரூா் நகர காவல் துணைக் கண்காணிப்பாளா் செல்வராஜ், நகர காவல் ஆய்வாளா் மணிவண்ணன் தலைமையில் ஏராளமான போலீஸாா் பாதுகாப்புப் பணியில் ஈடுபட்டனா்.