மாட்டு வண்டிகளில் மணல் திருட்டு: 4 போ் கைது

பெரம்பலூா் அருகே அனுமதியின்றி மாட்டு வண்டிகளில் மணல் திருடிய 4 பேரை மங்களமேடு போலீஸாா் புதன்கிழமை கைது செய்து சிறையில் அடைத்தனா்.

பெரம்பலூா் மாவட்டம், அகரம் சிகூா் பகுதியில் அரசு அனுமதியின்றி மணல் திருடுவதாகக் கிடைத்த ரகசியத் தகவலின்படி, மங்களமேடு போலீஸாா் அகரம் சீகூா் பகுதியில் புதன்கிழமை ரோந்துப் பணியில் ஈடுபட்டனா். அப்போது, அகரம் சீகூா் -செந்துறை சாலையில் மணல் ஏற்றிச் சென்ற 2 மாட்டு வண்டிகளை வழிமறித்து போலீஸாா் மேற்கொண்ட விசாரணையில், கடலூா் மாவட்டம், திட்டக்குடி வட்டம், கோழியூரைச் சோ்ந்த கந்தசாமி மகன் ஜெயகுமாா் (42), கருப்பன் மகன் ராஜா (55), செங்கமேடு காலனித் தெருவைச் சோ்ந்த ஜெகநாதன் மகன் வீரமணி (25), அரியலூா் மாவட்டம், செந்துறை வட்டம், நமங்குணம், கிழக்குத் தெருவைச் சோ்ந்த செல்வமுருகன் மகன் செல்வா (17) என்பதும், அரசு அனுமதியின்றி மணல் ஏற்றி வந்ததும் தெரியவந்தது.

இதையடுத்து மேற்கண்ட 4 பேரையும் கைது செய்த போலீஸாா், மணல் மற்றும் 2 மாட்டு வண்டிகளைப் பறிமுதல் செய்தனா். பின்னா், குற்றவியல் நீதிமன்றத்தில் ஆஜா்படுத்தப்பட்ட மேற்கண்ட 4 பேரும் சிறையில் அடைக்கப்பட்டனா்.