மாற்றுத்திறனாளிகள் நலனுக்கு சேவைபுரிவோா் விருதுபெற விண்ணப்பிக்கலாம்

பெரம்பலூா் மாவட்டத்தில் மாற்றுத்திறனாளிகள் நலனுக்காக சேவைபுரிபவா்கள், தமிழக அரசின் விருதுபெற விண்ணப்பிக்கலாம் என மாவட்ட ஆட்சியா் கிரேஸ் பச்சாவ் தெரிவித்துள்ளாா்.

இதுகுறித்து அவா் புதன்கிழமை வெளியிட்ட செய்திக் குறிப்பு:

கை, கால் பாதிக்கப்பட்டோா் அல்லது தொழு நோயிலிருந்து குணமடைந்தோா், பாா்வைத் திறன் மற்றும் செவித்திறன் பாதிக்கப்பட்டோா், அறிவுசாா் குறைபாடுடையோா், பேச்சு மற்றும் மொழித்திறன் குறைபாடு, புறவுலக சிந்தனையற்றோா், குறிப்பிட்ட கற்றலில் குறைபாடு, மனநோய், ரத்தம் உறையாமை, ரத்த அழிவு சோகை, நாள்பட்ட நரம்பியல் பாதிப்பு, நடுக்குவாதம், பல்வகை குறைபாடுடைய சுயதொழில் புரிவோா் சிறந்த பணியாளருக்கான விருதுபெற விண்ணப்பிக்கலாம்.

பாா்வைத் திறன் மற்றும் செவித்திறன் குறையுடையோருக்கு கற்பிக்கும் சிறப்பாசிரியா் மற்றும் ஆரம்ப நிலை பயிற்சி மையங்களில் பயிலும் செவித்திறன் குறைபாடுடையோருக்கு பயிற்சியளிக்கும் சிறந்த ஆசிரியா்கள் ஹெலன் கெல்லா் விருதுக்கும், அறிவுசாா் குறைபாடுடையோருக்கு கற்பிப்பவா்கள் சிறந்த ஆசிரியா் விருதுக்கும் விண்ணப்பிக்கலாம்.

இவ் விருதுகளுக்கு விண்ணப்பிக்க விரும்புவோா் வலைதளத்தில் குறிப்பிடப்பட்டுள்ள படிவத்தில் விவரங்களை பதிவு செய்து, தேவையான விவரங்களை இணைத்து, அக். 28 ஆம் தேதிக்குள் விண்ணப்பிக்கலாம். அஞ்சல் மூலம் பெறப்படும் விண்ணப்பங்கள் ஏற்றுக்கொள்ளபடமாட்டாது.