குடிநீர்த் தொட்டியில் கொசுப்புழு: உரிமையாளருக்கு ரூ.2 ஆயிரம் அபராதம்

அறந்தாங்கியில்  வீட்டின் குடிநீர் தொட்டியில் கொசுப் புழு இருந்ததால் வீட்டு உரிமையாளருக்கு ரூ.2 ஆயிரம் அபராதம்  விதிக்கப்பட்டது.
அறந்தாங்கி நகராட்சிக்குள்பட்ட மணிவிளான் தெருவைச் சேர்ந்த  ராஜாமுகமது என்பவருக்கு சொந்தமாக ஹயாத்தி உள்ள வணிக வளாகத்தில் இருந்து வெளியேறும் கழிவுநீர் சாலையில் விடப்படுவதாகப் புகார் எழுந்தது. இதையடுத்து, நகராட்சி  ஆணையர் பொறுப்பு நா.மீராஅலி உத்தரவின் பேரில் சுகாதார ஆய்வாளர் சி.சேகர் மற்றும் சுகாதாரப் பணியாளர்கள் நேரில் ஆய்வு செய்தனர். தொடர்ந்து, சுகாதாரப் பணியாளர்கள் கழிவுநீரை கால்வாயில் சேர்க்க ஏற்பாடு செய்ததுடன், அவரது வீட்டில் இருந்த குடநீர் தொட்டியில் கொசுப்புழுக்கள் உற்பத்தியாகி இருந்ததைக் கண்டு மருந்து ஊற்றி அழிக்கும் பணியில் ஈடுபட்டனர். மேலும், வீட்டு உரிமையாளர் ராஜாமுகமதுவுக்கு  அபராதமாக ரூ.2 ஆயிரம் விதித்தனர்.