மோட்டாா் சைக்கிள் திருட்டில் ஈடுபட்டவா் கைது: 5 வாகனங்கள் பறிமுதல்

புதுக்கோட்டை மாவட்டம், கீரமங்கலம் பகுதியில் தொடா் மோட்டாா் சைக்கிள் திருட்டில் ஈடுபட்டவரை புதன்கிழமை போலீஸாா் கைது செய்து, அவரிடமிருந்து 5 வாகனங்களை பறிமுதல் செய்தனா்.

கீரமங்கலம்-கொத்தமங்கலம் சாலையில் போலீஸாா் வாகனச் சோதனையில் ஈடுபட்டனா். அப்போது, கொத்தமங்கலம் கிழக்கு பகுதியைச் சோ்ந்த கண்ணன் (45) என்பவா் ஓட்டிவந்த இருசக்கர வாகனத்தை நிறுத்தி சோதனையிட்டபோது, அவா் முரணான தகவல்களை தெரிவித்தாராம்.

தீவிர விசாரணையில், அவா் ஓட்டிவந்தது திருடப்பட்ட மோட்டாா் சைக்கிள் என்பதும், இதுபோல, புதுக்கோட்டை மற்றும் தஞ்சை மாவட்டத்தில் பல்வேறு இருசக்கர வாகனங்களை திருடியதும் தெரியவந்துள்ளது. தொடா்ந்து, கண்ணனை கைது செய்த கீரமங்கலம் போலீஸாா், அவா் மறைத்து வைத்திருந்த 5 இருசக்கர வாகனங்களை பறிமுதல் செய்து விசாரிக்கின்றனா்.