பைக்கில் சென்ற இருவர் பேருந்து மோதி சாவு

தஞ்சாவூர் அருகே புதன்கிழமை இரவு மோட்டார் சைக்கிள் மீது அரசுப் பேருந்து மோதியதில் இருவர் உயிரிழந்தனர்.
தஞ்சாவூர் அருகேயுள்ள மணக்கரம்பையைச் சேர்ந்தவர்கள் மரியதாஸ் மகன் ஸ்டாலின்ராஜ் (27), கோபால் மகன் இளையராஜா (26). 
இருவரும் புதன்கிழமை இரவு தஞ்சாவூரிலிருந்து மோட்டார் சைக்கிளில் மணக்கரம்பை நோக்கிச் சென்று கொண்டிருந்தனர். 
அம்மன்பேட்டை புறவழிச்சாலையில் சென்றபோது  எதிரே திருவையாறிலிருந்து தஞ்சாவூர் நோக்கி வந்த அரசு நகரப் பேருந்து மோதி இருவரும் உயிரிழந்தனர். 
நடுக்காவேரி போலீஸார் விசாரித்து வருகின்றனர்.