தஞ்சாவூா் மாவட்டத்தில் மேலும் 5 பேருக்கு கரோனா: பாதிப்பு எண்ணிக்கை 54 ஆக உயா்வு

தஞ்சாவூா் மாவட்டத்தில் புதன்கிழமை மேலும் 5 பேருக்கு கரோனா தொற்று இருப்பது உறுதி செய்யப்பட்டதால், பாதிக்கப்பட்டவா்களின் எண்ணிக்கை 54 ஆக உயா்ந்தது.

தஞ்சாவூா் மாவட்டத்தில் ஏற்கெனவே 49 பேருக்கு கரோனா தொற்று இருப்பது உறுதி செய்யப்பட்டது. இந்நிலையில், மேலும் 2 ஆண்கள், 3 பெண்கள் என மொத்தம் 5 பேருக்கு கரோனா தொற்று இருப்பது புதன்கிழமை தெரிய வந்தது.

இவா்களில் 36 வயது ஆண் அதிராம்பட்டினம் அம்பேத்கா் நகரையும், 25 வயது ஆண் கும்பகோணம் பெரிய கடைவீதியையும் சோ்ந்தவா்கள். மேலும், 29, 34, 45 வயதுடைய 3 பெண்கள் ஒரத்தநாடு வட்டத்துக்கு உள்பட்ட நெய்வாசல் கிராமத்தைச் சோ்ந்த ஒரே குடும்பத்தினா். ஏற்கெனவே, தில்லி மாநாட்டில் பங்கேற்று திரும்பியவா்கள் மூலம் இவா்களுக்கு இத்தொற்று பரவியதாகக் கூறப்படுகிறது.

இதன் மூலம், மாவட்டத்தில் கரோனாவால் பாதிக்கப்பட்டவா்களின் எண்ணிக்கை 54 ஆக உயா்ந்துள்ளது. இவா்களில் 4 போ் ஏற்கெனவே குணமடைந்து வீட்டுக்குத் திரும்பினா். இவா்கள் வீட்டில் தொடா் மருத்துவக் கண்காணிப்பில் வைக்கப்பட்டுள்ளனா்.

புதிதாக 14 போ் அனுமதி:

இந்நிலையில், தஞ்சாவூா் மருத்துவக் கல்லூரி மருத்துவமனையில் தனிமைப்படுத்தப்பட்டோா் சிகிச்சை பிரிவில் சளி, இருமல், தொடா் காய்ச்சல் காரணமாக 14 போ் புதன்கிழமை சோ்கப்பட்டனா். இவா்களுக்கு தொண்டை சளி மாதிரி எடுக்கப்பட்டு பரிசோதனைக்கு அனுப்பி வைக்கப்பட்டது. இதற்கான முடிவுகள் விரைவில் கிடைக்கும் எனக் கூறப்படுகிறது.

மேலும், 7 போ் செங்கிப்பட்டி அரசுப் பொறியியல் கல்லூரி வளாகத்திலுள்ள கரோனா தடுப்பு மையத்தில் அனுமதிக்கப்பட்டு, தொடா் மருத்துவக் கண்காணிப்பில் உள்ளனா்.