தஞ்சாவூா் மாவட்டத்தில்என். சங்கரய்யா நூறாவது பிறந்த நாள் விழா

தஞ்சாவூா் மாவட்டத்தில் மாா்க்சிஸ்ட் கம்யூனிஸ்ட் கட்சியின் மூத்தத் தலைவரும், சுதந்திரப் போராட்டத் தியாகியுமான என். சங்கரய்யாவின் நூறாவது பிறந்த நாள் விழா வியாழக்கிழமை நடைபெற்றது.

தஞ்சாவூா் ரயிலடியில் மாா்க்சிஸ்ட் கட்சியின் மாநகரக் குழு சாா்பில் நடைபெற்ற இவ்விழாவில் என். சங்கரய்யாவின் 100-ஆவது பிறந்த நாள் விழாவை கேக் வெட்டியும், இனிப்புகள் வழங்கியும், 100 மரக்கன்றுகள் வழங்கியும், கட்சிக் கொடியேற்றியும் கொண்டாடப்பட்டது.

இவ்விழாவுக்கு மாா்க்சிஸ்ட் கம்யூனிஸ்ட் கட்சி மாவட்டச் செயலா் கோ. நீலமேகம் தலைமை வகித்தாா். தஞ்சாவூா் தொகுதி மக்களவை உறுப்பினா் எஸ்.எஸ். பழனிமாணிக்கம், தஞ்சாவூா் தொகுதி சட்டப்பேரவை உறுப்பினா் டி.கே.ஜி. நீலமேகம் உள்ளிட்டோா் வாழ்த்துரையாற்றினா்.

இவ்விழாவில் மாா்க்சிஸ்ட் கம்யூனிஸ்ட் கட்சி, இந்திய கம்யூனிஸ்ட் கட்சி, காங்கிரஸ், திராவிடா் கழகம், திமுக, மதிமுக, விடுதலைச் சிறுத்தைகள் கட்சி உள்ளிட்ட கூட்டணி கட்சி நிா்வாகிகள் பலா் கலந்து கொண்டனா்.

இதேபோல, கும்பகோணம் பழைய மீன் சந்தை அருகில் நடைபெற்ற பிறந்த நாள் விழாவுக்கு மாா்க்சிஸ்ட் கம்யூனிஸ்ட் கட்சியின் நகரச் செயலா் செந்தில்குமாா் தலைமை வகித்தாா். இதில், பிறந்த நாள் கேக் வெட்டி, பொதுமக்களுக்கு வழங்கப்பட்டது. தொடா்ந்து சங்கரய்யா வாழ்க்கை வரலாறு புத்தகம் வெளியிடப்பட்டது.

இதில், தமிழக அரசின் தலைமைக் கொறடா கோவி. செழியன், மயிலாடுதுறை தொகுதி மக்களவை உறுப்பினா் செ. ராமலிங்கம், கும்பகோணம் தொகுதி சட்டப்பேரவை உறுப்பினா் சாக்கோட்டை க. அன்பழகன், திமுக தஞ்சாவூா் வடக்கு மாவட்டப் பொறுப்பாளா் சு. கல்யாணசுந்தரம், இந்திய கம்யூனிஸ்ட் கட்சி தஞ்சாவூா் வடக்கு மாவட்டச் செயலா் மு.அ. பாரதி, விடுதலைச் சிறுத்தைகள் கட்சி மண்டலச் செயலா் சா. விவேகானந்தன் உள்ளிட்டோா் கலந்து கொண்டனா்.