சாலையை கடக்க முயன்றவா் இருசக்கர வாகனம் மோதி பலி

கும்பகோணம், அருகே தாராசுரத்தில் செவ்வாய்க்கிழமை இரவு சாலையைக் கடக்க முயன்ற கூலித்தொழிலாளி மோட்டாா் சைக்கிள் மோதி உயிரிழந்தாா்.

கும்பகோணம் அருகே தாராசுரம் மிஷன் தெருவைச் சோ்ந்தவா் தங்கையன் மகன் கண்ணன் (55), கூலித் தொழிலாளி. இவா், செவ்வாய்க்கிழமை இரவு தாராசுரம் பேருந்து நிலையம் பகுதியில் சாலையைக்கடக்க முயன்றாா்.

அப்போது, வளையப்பேட்டை மேலத்தெரு ராஜேந்திரன் மகன் தினேஷ் (26) என்பவா் ஓட்டிவந்த மோட்டாா் சைக்கிள் மோதியதில் கண்ணன் சம்பவ இடத்திலேயே உயிரிழந்தாா்.

பலத்த காயமடைந்த தினேஷ் தனியாா் மருத்துவமனையில் அனுமதிக்கப்பட்டு சிகிச்சை பெற்று வருகிறாா். இதுகுறித்து அறிந்த தாலுக்கா காவல் நிலைய ஆய்வாளா் ரேகாராணி அங்குவந்து கண்ணன் சடலத்தை உடற்கூறாய்வுக்கு அனுப்பிவைத்தாா். மேலும் போலீஸாா் வழக்குபதிந்து விசாரித்து வருகின்றனா்.